August 08, 2023
August 08, 2023
ന്യൂസ്റൂം ബ്യൂറോ
ന്യൂഡൽഹി : പുതുപ്പള്ളി മണ്ഡലത്തില് ഉപതെരഞ്ഞെടുപ്പ് പ്രഖ്യാപിച്ച് തെരഞ്ഞെടുപ്പ് കമ്മീഷന്. സെപ്റ്റംബര് അഞ്ചിനാണ് പോളിങ്ങ്. സെപ്റ്റംബർ എട്ടിന് വോട്ടെണ്ണല് നടക്കും. ഉപതെരഞ്ഞെടുപ്പ് സംബന്ധിച്ച്, ആഗസ്റ്റ് പത്തിന് തെരഞ്ഞെടുപ്പ് കമ്മീഷന്റെ ഔദ്യോഗിക അറിയിപ്പ് പുറത്ത് വരും. മുന് മുഖ്യമന്ത്രി ഉമ്മന് ചാണ്ടിയുടെ വിയോഗത്തിന് ശേഷമുള്ള തെരഞ്ഞെടുപ്പാണിത്.
ജാര്ഖണ്ഡ്, ത്രിപുര, പശ്ചിമ ബംഗാള്, ഉത്തര്പ്രദേശ്, ഉത്തരാഖണ്ഡ് തുടങ്ങിയ ആറ് സംസ്ഥാനങ്ങളിലെ ഉപതെരഞ്ഞെടുപ്പുകള്ക്കൊപ്പമാണ് പുതുപ്പള്ളിയിലും തെരഞ്ഞെടുപ്പുണ്ടാവുക. ജാര്ഖണ്ഡിലെ ധൂമ്രി, ത്രിപുരയിലെ ബോക്സാനഗര്, ധന്പൂര് മണ്ഡലങ്ങള്, പശ്ചിമ ബംഗാളിലെ ധൂപ്ഗുരി, ഉത്തര്പ്രദേശിലെ ഗോസി, ഉത്തരാഖണ്ഡിലെ ഭാഗേശ്വര് എന്നിവിടങ്ങളിലാണ് സെപ്റ്റംബര് അഞ്ചിന് ഉപതെരഞ്ഞെടുപ്പ് നടക്കുക.
ആഗസ്റ്റ് 17നാണ് നാമനിര്ദേശ പത്രിക സമര്പ്പിക്കാനുള്ള അവസാന തീയതി. ആഗസ്റ്റ് 18 ന് നാമനിര്ദേശ പത്രിക പരിശോധിക്കും. ആഗസ്റ്റ് 21 നാണ് നാമനിര്ദേശ പത്രിക പിന്വലിക്കാനുള്ള അവസാന തീയതി.
53 വര്ഷം ഉമ്മന്ചാണ്ടി നിലനിർത്തിയ മണ്ഡലത്തെ കൈവിട്ട് പോകാതിരിക്കാനുള്ള തയ്യാറെടുപ്പുകളിലാണ് കോണ്ഗ്രസ് പാർട്ടി. അതേസമയം, എതിർ പാർട്ടിയായ എല്.ഡി.എഫും വിജയം പ്രതീക്ഷിക്കുന്നുണ്ട്. യു.ഡി.എഫ് സ്ഥാനാര്ത്ഥിയായി ചാണ്ടി ഉമ്മനേയും എല്.ഡി.എഫ് സ്ഥാനാര്ത്ഥിയായി ജെയ്ക് സി തോമസിനേയുമാണ് പ്രതീക്ഷിക്കുന്നത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm