November 30, 2023
November 30, 2023
ഗസ സിറ്റി :ഗസയിൽ താൽക്കാലിക വെടിനിർത്തൽ സമയപരിധി വ്യാഴാഴ്ച രാവിലെയോടെ അവസാനിച്ച പശ്ചാത്തലത്തിൽ വെടി നിർത്തൽ നീട്ടാനുള്ള ശ്രമങ്ങൾ പുരോഗമിക്കുന്നു.വെടിനിര്ത്തലിന്റെ ആറാം ദിനത്തില് 10 ഇസ്രായേല് പൗരന്മാരെയും നാല് തായ്ലന്ഡുകാരെയും രണ്ട് റഷ്യക്കാരെയുമാണ് ഹമാസ് കൈമാറിയത്. 30 ഫലസ്തീനി തടവുകാരെ ഇസ്രായേലും മോചിപ്പിച്ചു. വെടിനിര്ത്തല് നീട്ടുന്നതിനുള്ള ഊര്ജിതശ്രമങ്ങള് ഖത്തറിന്റെ മധ്യസ്ഥതയില് തുടരുകയാണ്. ഉടന് ധാരണയിലെത്താനാകുമെന്നാണ് പ്രതീക്ഷയെന്ന് ഖത്തര് വിദേശകാര്യ മന്ത്രാലയം വ്യക്തമാക്കി.
അറബ് രാജ്യങ്ങള്ക്കെതിരായ പാശ്ചാത്യപ്രചാരണങ്ങള്ക്കെതിരെ ശക്തമായ ഭാഷയിലാണ് ഖത്തര് പ്രധാനമന്ത്രി പ്രതികരിച്ചത്. സമാധാനം ലക്ഷ്യമിട്ടാണ് അറബ് രാജ്യങ്ങള് പ്രവര്ത്തിക്കുന്നത്. മറുപക്ഷത്ത് ഇസ്രായേല് കൂടി അംഗീകരിച്ച സമാധാന ഉടമ്പടിയുടെ സ്ഥിതിയെന്താണെന്നു പരിശോധിക്കണം. ഫലസ്തീന് ജനതയ്ക്ക് സ്വാതന്ത്ര്യവും അവകാശങ്ങളും അനുവദിക്കാന് ഇസ്രായേല് ഇതുവരെ തയാറായിട്ടില്ലെന്നും ഖത്തര് പ്രധാനമന്ത്രി യു.എന്നിനെ ഓര്മിപ്പിച്ചു.
അതേസമയം,ഗസയിലെ മാനുഷിക യുദ്ധ വിരാമത്തിന് പിന്നില് അമീര് ശൈഖ് തമീം ബിന് ഹമദ് അല് താനിയുടെ മാര്ഗനിര്ദേശവും വ്യക്തിപരമായ ശ്രദ്ധയും അശ്രാന്തമായ നയതന്ത്ര ശ്രമങ്ങളും നടന്നതായി പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുല് റഹ്മാന് ബിന് ജാസിം അല്താനി പറഞ്ഞു. ന്യൂയോര്ക്കിലെ യു എന് ആസ്ഥാനത്ത് നടന്ന യു എന് സുരക്ഷാ കൗണ്സില് ബ്രീഫിംഗില് സംസാരിക്കുകയായിരുന്നു അദ്ദേഹം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F