January 27, 2023
January 27, 2023
ന്യൂസ്റൂം ബ്യുറോ
ദോഹ : ഭക്ഷ്യസുരക്ഷാ നിയമം ലംഘിച്ച മൂന്ന് റസ്റ്റോറന്റുകൾ മുനിസിപ്പൽ അധികൃതർ താൽക്കാലികമായി അടപ്പിച്ചു.ദോഹയിലെ എനർജി ടീ കഫ്റ്റേരിയ ഏഴു ദിവസത്തേക്കും,ഫാമിലി റെസ്റ്റോറന്റ്,അൽ മുതാ കഫ്റ്റേരിയ എന്നിവ അഞ്ച് ദിവസത്തേക്കുമാണ് അടച്ചുപൂട്ടിയത്.ഭക്ഷ്യ സുരക്ഷാ നിയന്ത്രണം സംബന്ധിച്ച 1990 ലെ 8-ാം നമ്പർ നിയമ പ്രകാരമാണ് നടപടി.
നടപടി നേരിട്ട സ്ഥാപനത്തിന്റെ വിവരങ്ങൾ മുനിസിപ്പാലിറ്റി ട്വിറ്ററിൽ പരസ്യപ്പെടുത്തിയിട്ടുണ്ട്.ആരോഗ്യത്തിന് ഹാനികരമാകുന്ന തരത്തിൽ ഭക്ഷണം പാചകം ചെയ്തു വിതരണം ചെയ്യുന്നത് കണ്ടെത്താൻ മുനിസിപ്പൽ അധികൃതർ നടത്തിയ പരിശോധനയിലാണ് നിയമലംഘനങ്ങൾ കണ്ടെത്തിയത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക