June 06, 2023
June 06, 2023
ന്യൂസ്റൂം ബ്യുറോ
ദോഹ :ഖത്തറിൽ സർക്കാർ സേവന കേന്ദ്രങ്ങൾ വഴി നൽകിവന്നിരുന്ന ചില സേവനങ്ങൾ താൽക്കാലികമായി നിർത്തിവയ്ക്കുമെന്ന് വാണിജ്യ വ്യവസായ മന്ത്രാലയം (MoCI) അറിയിച്ചു.
സർക്കാർ സേവന കേന്ദ്രങ്ങൾക്കു പകരം മന്ത്രാലയത്തിന്റെ ഏകജാലക ഓൺലൈൻ പോർട്ടൽ വഴിയായിരിക്കും ഇനി മുതൽ ഈ സേവനങ്ങൾ ലഭിക്കുക.താഴെ പറയുന്ന സേവനങ്ങളാണ് ഓൺലൈൻ സംവിധാനത്തിലേക്ക് മാറുന്നത്.
■ പുതിയ ബ്രാഞ്ച് ഉൾപെടുത്താൽ.
■ സ്ഥാപനത്തിന്റെ പേരു മാറ്റൽ.
■ ആക്റ്റിവിറ്റി പരിഷ്ക്കരണത്തോടെയുള്ള സ്ഥാപനത്തിന്റെ പേര് മാറ്റം.
■ വ്യക്തിഗത വിവരങ്ങളിൽ മാറ്റം വരുത്തൽ.
■ ബിസിനസ് പ്രവർത്തനങ്ങൾ പരിഷ്കരിക്കൽ.
■ സ്ഥാപനം മറ്റൊരിടത്തേക്ക് മാറൽ.
■ ഉത്തരവാദിത്തമുള്ള മാനേജരെ മാറ്റി മറ്റൊരാളെ നിയമിക്കുന്നത്.
■ വാണിജ്യ ലൈസൻസ് പുതുക്കൽ.
ഏകജാലക പോർട്ടലിലൂടെ ഈ സേവനങ്ങൾ ഉപയോഗപ്പെടുത്താനും വാണിജ്യ വ്യവസായ മന്ത്രാലയം I ഉപഭോക്താക്കളോട് അഭ്യർത്ഥിച്ചു.
സർക്കാർ സേവനങ്ങൾ ഡിജിറ്റലായി മാറ്റുകയെന്ന ലക്ഷ്യത്തോടെ നടപ്പിലാക്കുന്ന "ഡിജിറ്റൽ പരിവർത്തന" ശ്രമങ്ങളുടെ ഭാഗമായാണ് ഈ ഭേദഗതിയെന്നും കൂടുതൽ വിവരങ്ങൾക്ക് 16001 എന്ന നമ്പറിൽ ബന്ധപ്പെടാമെന്നും മന്ത്രാലയം അറിയിച്ചു.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/EbsrZk47eaBENKOhwtWeGf