May 21, 2023
May 21, 2023
ന്യൂസ്റൂം ബ്യുറോ
കോട്ടയം : പ്രവാസിയായ ഭര്ത്താവിന്റെ അടുത്തേക്ക് പോകാനുള്ള മടി കാരണം വീടുവിട്ടിറങ്ങിയ അമ്മയെയും അഞ്ചു വയസ്സുള്ള മകളെയും പത്ത് ദിവസത്തിന് ശേഷം കണ്ടെത്തി. ശാസ്താംകോട്ട കടമ്പനാട് ഐവര്കാലാ ഭരണിക്കാവ് അമ്പലത്തിന് സമീപം കാഞ്ഞിരവിള കിഴക്കേതില് ആല്വിന് റോയിയുടെ ഭാര്യ ആന്സി (30), മകള് ആന്ഡ്രിയ ആല്വിന് (അഞ്ച്) എന്നിവരെയാണ് കണ്ടെത്തിയത്. മെയ് 10 മുതലാണ് ഇവരെ കാണാതായത്. കോട്ടയം കെ എസ് ആര് ടി സി ബസ് സ്റ്റേഷന് പൊലീസ് എയ്ഡ് പോസ്റ്റിലുണ്ടായിരുന്ന പൊലീസുകാരന് സംശയത്തിന്റെ പേരില് ഇവരെ തടഞ്ഞുവെച്ച് ചോദ്യം ചെയ്തതോടെയാണ് കാണാതായ അമ്മയും കുഞ്ഞുമാണിതെന്ന് വ്യക്തമായത്.
ആന്സിയുടെ ഭര്ത്താവ് ആല്വിന് ബഹറൈനിലാണ് ജോലി ചെയ്യുന്നത്. മെയ് 17 ന് ആന്സിയെയും മകളെയും ബഹ്റൈനിലേക്ക് കൊണ്ടുവരാന് ആല്വിന് തീരുമാനിച്ചിരുന്നു. ഇതിനായി ടിക്കറ്റ് അയച്ചു കൊടുക്കുകയും ചെയ്തു. ഇതോടെയാണ് അമ്മയെയും മകളെയും കാണാതായത്. വിദേശത്തേക്ക് പോകാന് മടിയുള്ളതുകൊണ്ടാണ് ഇവര് നാടുവിട്ടതെന്നാണ് പോലീസ് പറയുന്നത്. പള്ളിയില് പോകുന്നുവെന്ന് പറഞ്ഞാണ് വീട്ടില് നിന്ന് ഇറങ്ങിയത്. അമ്മയേയും മകളേയും കാണാനില്ലെന്ന പരാതിയില് ശാസ്താംകോട്ട പൊലീസ് കേസ് രജിസ്റ്റര് ചെയ്തിരുന്നു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe