May 01, 2023
May 01, 2023
ന്യൂസ്‌റൂം ബ്യുറോ
ദോഹ : ദോഹയിൽ അനുമതിയില്ലാതെ വാണിജ്യ സ്ഥാപനങ്ങളുടെ സാധനങ്ങൾ സൂക്ഷിച്ചിരുന്ന അഞ്ച് സ്റ്റോറേജുകൾ വാണിജ്യ-വ്യവസായ മന്ത്രാലയം അടച്ചുപൂട്ടി.നജ്മയിലെയും ഫിരീജ് അബ്ദുൽ അസീസിലെയും നിരവധി റെസിഡൻഷ്യൽ കെട്ടിടങ്ങളുടെ ബേസ്‌മെന്റുകളിൽ ലൈസൻസില്ലാതെ പ്രവർത്തിക്കുന്ന സ്റ്റോറേജുകളാണ് അടപ്പിച്ചത്.അഞ്ച് തൊഴിലാളികളെ അറസ്റ്റ് ചെയ്തതായും മന്ത്രാലയം അറിയിച്ചു.
ചോക്ക്, ഡ്രൈവ്‌വാൾ, ബ്ലാക്ക്‌ബോർഡുകൾ എന്നിവ നിർമ്മിക്കാൻ ഉപയോഗിക്കുന്ന അസംസ്‌കൃത വസ്തുക്കളും ജിപ്‌സം ഉൾപ്പെടെയുള്ള നിർമാണ സാമഗ്രകികളുമാണ് ഇവിടെ അനധികൃതമായി സൂക്ഷിച്ചിരുന്നത്.
മറ്റൊരു റെസിഡൻഷ്യൽ കെട്ടിടത്തിന്റെ പാർക്കിംഗ് സ്ഥലം പ്ലാസ്റ്റിക് വെയർഹൗസാക്കി മാറ്റിയതായും മന്ത്രാലയം കണ്ടെത്തി.അറസ്റ്റ് ചെയ്ത പ്രതികളെ തുടർ നിയമ നടപടികൾക്കായി ബന്ധപ്പെട്ട വകുപ്പിന് കൈമാറിയതായും അധികൃതർ വ്യക്തമാക്കി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
