March 03, 2023
March 03, 2023
ന്യൂസ്‌റൂം സ്പോർട്സ് ഡെസ്‌ക്
ദോഹ : 2022- ഫിഫ ലോകകപ്പിലെ മികച്ച കളിക്കാരനായി തെരഞ്ഞെടുക്കപ്പെട്ട ലയണൽ മെസ്സി, ലോകകപ്പ് നേടിയ മുഴുവൻ അർജന്റീന ടീമിനും സ്റ്റാഫിനും 35 ഗോൾഡൻ ഐഫോണുകൾ സമ്മാനമായി നൽകുന്നു..ലോകകപ്പ് കിരീടനേട്ടം ഉണ്ടായി നാളുകൾ കഴിഞ്ഞിട്ടും ഇന്നും ആ സന്തോഷത്തിൻ്റെ അലകൾ അർജൻ്റീനയിൽ അവസാനിച്ചിട്ടില്ലെന്ന് തെളിയിക്കുന്നതാണ് ഈ റിപ്പോർട്ട്.
പതിനഞ്ച് വർഷത്തിന് ശേഷമുള്ള തൻ്റെ അന്താരാഷ്ട്ര കരിയറിലെ ആദ്യ ലോകകപ്പ് സമ്മാനിക്കാൻ സഹായിച്ച സഹതാരങ്ങൾക്കായി സ്വർണത്തിൽ തീർത്ത ഐ ഫോൺ 14 എസ് സമ്മാനിക്കാനൊരുങ്ങുകയാണ് സൂപ്പർ താരം ലയണൽ മെസ്സി. ഇതിനായി താരം 35 ഐഫോണുകൾ വാങ്ങിച്ചതായാണ് റിപ്പോർട്ട്.
ഓരോ കളിക്കാരൻ്റെ പേരും ജേഴ്സി നമ്പറും അർജൻ്റീനയുടെ ലോഗോയും പതിപ്പിച്ച 24 കാരറ്റ് സ്വർണത്തിൽ നിർമ്മിച്ച ഫോണുകളാണ് മെസ്സി സമ്മാനിക്കാനൊരുങ്ങുന്നത്. ഐ ഡിസൈൻ ഗോൾഡ് എന്ന സ്ഥാപനമാണ് ഫോണുകൾ ഡിസൈൻ ചെയ്തിരിക്കുന്നത്. സാധാരണയായി നൽകുന്ന വാച്ചുകൾ പോലുള്ള സമ്മാനങ്ങൾ നൽകാൻ താത്പര്യമില്ലാത്തതിനെ തുടർന്നാണ് സ്വർണ ഐഫോണുകൾ നൽകാമെന്ന തീരുമാനത്തിലേക്ക് മെസ്സി എത്തിയത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
