January 29, 2023
January 29, 2023
ന്യൂസ്റൂം ബ്യുറോ
പോളണ്ടിൽ മലയാളി കുത്തേറ്റ് മരിച്ചു. തൃശൂർ ഒല്ലൂർ സ്വദേശി സൂരജാണ് മരിച്ചത്. ജോർജിയൻ പൗരന്മാരുമായുള്ള വാക്കുതർക്കത്തിനിടെയാണ് കുത്തേറ്റത്. ആക്രമണത്തില് നാല് മലയാളികൾക്ക് പരിക്കുണ്ട്. ഒരാഴ്ചക്കിടെ രണ്ടാമത്തെ മലയാളിയാണ് പോളണ്ടില് കൊല്ലപ്പെടുന്നത്.
ഒല്ലൂര് ചെമ്പൂത്ത് അറയ്ക്കൽ വീട്ടിൽ മുരളീധരൻ, സന്ധ്യ ദമ്പതികളുടെ മകനാണ് സൂരജ്. അഞ്ച് മാസം മുമ്പാണ് സൂരജ് ജോലിയാവശ്യാര്ത്ഥം പോളണ്ടിലേക്ക് പോയത്. സ്വകാര്യ കമ്പനിയിൽ സൂപ്പർവൈസറായിരുന്നു . മരണ വിവരം സുഹൃത്തുകൾ വീട്ടുകാരെ അറിയിക്കുകയായിരുന്നു.
കഴിഞ്ഞ ദിവസം പാലക്കാട് സ്വദേശിയും പോളണ്ടില് കുത്തേറ്റു മരിച്ചിരുന്നു. പാലക്കാട് പുതുശ്ശേരി സ്വദേശിയായ ഐടി എന്ജിനീയര് ഇബ്രാഹിമാണു കഴിഞ്ഞ ദിവസം മരിച്ചത്. കൊലയുടെ കാരണം സംബന്ധിച്ചോ കൊലയാളിയെക്കുറിച്ചോ പോളണ്ട് എംബസി അധികൃതര് വ്യക്തമാക്കിയില്ലെന്ന് ബന്ധുക്കള് പറഞ്ഞു. ഐഎന്ജി ബാങ്കിലെ ഐടി വിഭാഗം ഉദ്യോഗസ്ഥനായ ഇബ്രാഹിം പോളണ്ട് സ്വദേശിക്കൊപ്പമാണു താമസിച്ചിരുന്നത്. താമസ സ്ഥലത്താണ് കൊല്ലപ്പെട്ടതെന്നാണ് ബന്ധുക്കള്ക്ക് ലഭിച്ച വിവരം. പ്രതി പിടിയിലായെന്ന സൂചനയല്ലാതെ കൊലപാതകത്തിനുള്ള കാരണമോ പ്രതിയെക്കുറിച്ചുള്ള വിവരമോ ലഭിച്ചിട്ടില്ല. ചെന്നൈയിലും ബെംഗളൂരുവിലും ജോലി നോക്കിയ ശേഷം പത്ത് മാസം മുന്പാണ് ഇബ്രാഹിം പോളണ്ടിലെത്തിയത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക