March 31, 2023
March 31, 2023
ന്യൂസ്റൂം ബ്യൂറോ
തിരുവനന്തപുരം: ലോകായുക്ത വിധിയില് മുഖ്യമന്ത്രി പിണറായി വിജയന് താല്ക്കാലിക ആശ്വാസം. ദുരിതാശ്വാസ നിധി ഫണ്ട് വകമാറ്റിയ കേസില് മുഖ്യമന്ത്രി പിണറായി വിജയനെതിരായ പരാതിയിലാണ് മുഖ്യമന്ത്രിക്ക് താല്ക്കാലിക ആശ്വാസം. രണ്ടംഗ ബെഞ്ചില് വിഭിന്ന അഭിപ്രായം വന്നതിനെ തുടര്ന്ന് കേസ് മൂന്നംഗ ബെഞ്ചിന് വിടുകയായിരുന്നു.
മുഖ്യമന്ത്രിയും ഒന്നാം പിണറായി സര്ക്കാരിലെ മന്ത്രിമാരും ഫണ്ട് വകമാറ്റിയെന്നാണ് കേസ്. അന്തരിച്ച ചെങ്ങന്നൂര് മുന് എംഎല്എ കെ.കെ. രാമചന്ദ്രന്റെയും അന്തരിച്ച എന്സിപി നേതാവ് ഉഴവൂര് വിജയന്റെയും കുടുംബത്തിനും ഒപ്പം കോടിയേരി ബാലകൃഷ്ണന്റെ അകമ്പടി വാഹനം അപകടത്തില്പെട്ട് മരിച്ച പൊലീസുകാരന്റെയും കുടുംബത്തിനും ദുരിതാശ്വാസ നിധിയില് നിന്നും പണം നല്കിയതിന് എതിരെയാണ് കേസെടുത്തത്.
പണം അനുവദിക്കുന്നതില് സര്ക്കാരിന് അധികാരമുണ്ടെന്നാണ് സര്ക്കാര് വാദിച്ചത്. വാദത്തിനിടെ ലോകായുക്ത സര്ക്കാരിനെ വിമര്ശിച്ചിരുന്നു. 2022 മാര്ച്ച് 18ന് വാദം പൂര്ത്തിയായി. ഒരു വര്ഷം കഴിഞ്ഞിട്ടും വിധി പറഞ്ഞില്ല. തുടര്ന്ന് പരാതിക്കാരനായ ആര്.എസ്. ശശികുമാര് ഹൈക്കോടതിയെ സമീപിച്ചതിനെ തുടര്ന്നാണ് രണ്ടംഗ ബെഞ്ച് വിധി പറയാന് തീരുമാനിച്ചത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI