November 30, 2022
November 30, 2022
ന്യൂസ്‌റൂം ബ്യുറോ
ദോഹ : എൽജിബിടിക്യു കമ്മ്യൂണിറ്റിയിലെ അംഗങ്ങൾക്ക് ഖത്തറിൽ നടക്കുന്ന ഫിഫ ലോകകപ്പിൽ പങ്കെടുക്കാമെന്നും എന്നാൽ ഖത്തറികൾ എന്ത് വിശ്വസിക്കണമെന്ന് ആജ്ഞാപിക്കാൻ പാശ്ചാത്യ രാജ്യങ്ങൾക്ക് കഴിയില്ലെന്നും ഖത്തർ ഊർജ മന്ത്രി സാദ് ഷെരീദ അൽ-കാബി പറഞ്ഞു. ജർമ്മനിയിലെ ബിൽഡ് പത്രത്തോട് സംസാരിക്കുന്നതിനിടെയായിരുന്നു അദ്ദേഹത്തിന്റെ പ്രതികരണം..ജർമ്മൻ ആഭ്യന്തര മന്ത്രി നാൻസി ഫെയ്‌സർ "വൺ ലവ്" ആംബാൻഡ് ധരിച്ച് മത്സരം കാണാനെത്തിയതിനെ കുറിച്ചുള്ള ചോദ്യത്തിന് മറുപടിയായാണ് അദ്ദേഹം ഇക്കാര്യം പറഞ്ഞത്.
"അവർ ഖത്തർ സന്ദർശിക്കാൻ ആഗ്രഹിക്കുന്നുവെങ്കിൽ, ഞങ്ങൾക്ക് അതിൽ പ്രശ്‌നമില്ല,പക്ഷെ ഞങ്ങൾ എന്തു വിശ്വസിക്കണമെന്ന് പറയാൻ അവർക്ക് അവകാശമില്ല."-അദ്ദേഹം പറഞ്ഞു.
ഞങ്ങൾ സ്വർഗ്ഗരതിക്കാരെ ഉൾക്കൊള്ളുന്നു,അവരെ വിശ്വസിക്കുന്നു.എന്നുകരുതി പാശ്ചാത്യരെ തൃപ്തിപ്പെടുത്താൻ ഞാൻ എന്റെ നിയമങ്ങളും ഇസ്ലാമിക വിശ്വാസവും മാറ്റണമെന്നാണ് നിങ്ങൾ ആഗ്രഹിക്കുന്നതെങ്കിൽ അതംഗീകരിക്കാൻ കഴിയില്ലെന്നും സാദ് ഷെരീദ അൽ-കാബി കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
