October 16, 2021
October 16, 2021
കോട്ടയം: കനത്ത മഴയെ തുടര്ന്നു മുണ്ടക്കയം കുട്ടിക്കലില് ഉരുള്പൊട്ടി 13 പേരെ കാണാതായി. മൂന്ന് മൃതദേഹങ്ങള് കണ്ടെത്തി. കുട്ടിക്കല് പ്ലാപ്പള്ളിയില് ഇന്ന് രാവിലെയാണ് ഉരുള്പൊട്ടിയത്.ഉരുള്പൊട്ടലില് മൂന്ന് വീടുകള് ഒലിച്ചുപോയി. മറ്റൊരു വീടിന്റെ മുകളിലേക്ക് മണ്ണ് ഇടിഞ്ഞുവീണ് ആറ് പേര് അകപ്പെട്ടു. ഇതില് മൂന്ന് പേരുടെ മൃതദേഹം കണ്ടെത്തിയതായി മുന് പഞ്ചായത്ത് അംഗം പറഞ്ഞു.
മുണ്ടക്കയം, കാഞ്ഞിരപ്പള്ളി, കുട്ടിക്കല് പ്രദേശങ്ങള് ഒറ്റപ്പെട്ട നിലയിലാണ്. ഇതോടെ രക്ഷപ്രവര്ത്തനത്തിനായി ദുരന്തനിവാരണസേന വ്യോമസേനയുടെ സഹായം തേടി.കാഞ്ഞിരപ്പള്ളി ടൗണിലും വെള്ളം കയറി. കുട്ടിക്കലില് മലവെള്ളപ്പാച്ചില് ഉണ്ടായതായി ജില്ലാ അധികൃതര് അറിയിച്ചു. കുട്ടിക്കല് പ്ലാപ്പള്ളിയിലാണ് മഴ കനത്ത നാശം വിതച്ചിരിക്കുന്നത്.
ഖത്തർ സിറ്റി എക്സ്ചേഞ്ചിൽ ഒരു ഖത്തർ റിയാലിന്റെ ഇന്ത്യൻ വിനിമയ നിരക്ക് 20.47 പൈസ.ആപ് : 20.52