March 26, 2023
March 26, 2023
ന്യൂസ്റൂം ബ്യൂറോ
കൊച്ചി: ഹെലികോപ്ടർ അപകടത്തെ തുടർന്ന് നെടുമ്പാശ്ശേരി വിമാനത്താവളത്തിലേർപ്പെടുത്തിയ നിയന്ത്രണം നീക്കി. പരിശീലന പറക്കലിനിടെ നെടുമ്പാശ്ശേരി വിമാനത്താവളത്തിൽ കോസ്റ്റ് ഗാർഡിന്റെ ഹെലികോപ്ടർ തകർന്നു വീണതോടെയാണ് വിമാനത്താവളത്തിൽ നിയന്ത്രണം ഏർപ്പെടുത്തിയത്. ഹെലികോപ്ടർ റൺവേയിൽ നിന്നും നീക്കിയ ശേഷം സുരക്ഷാ പരിശോധന നടത്തിയ ശേഷമാണ് റൺവേ തുറന്നത്. ഇതോടെ വിമാനത്താവളത്തിൽ സർവീസ് സാധാരണ നിലയിലായി.
പരിശീലന പറക്കലിനിടെ റൺവേയുടെ പുറത്ത് അഞ്ച് മീറ്റർ അപ്പുറമാണ് ഹെലികോപ്ടർ തകർന്നു വീണത്. മൂന്ന് കോസ്റ്റ് ഗാർഡ് ഉദ്യോഗസ്ഥരാണ് അപകടത്തിൽപ്പെട്ട ഹെലികോപ്ടറിൽ ഉണ്ടായിരുന്നത്. അപകടത്തെ തുടർന്ന് ഇവരിൽ ഒരാൾക്ക് പരിക്കേറ്റിരുന്നു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI