April 25, 2023
April 25, 2023
ന്യൂസ്‌റൂം ബ്യൂറോ
തിരുവനന്തപുരം: മുഗള്‍ ചരിത്രം, ഗുജറാത്ത് കലാപം അടക്കം എന്‍.സി.ഇ.ആര്‍.ടിയില്‍ നിന്നും കേന്ദ്രം വെട്ടിയ പാഠഭാഗങ്ങള്‍ കേരളം പഠിപ്പിക്കും. എസ്.സി.ആര്‍.ടി ഇതിനായി സപ്ലിമെന്ററിയായി പാഠപുസ്തകം അച്ചടിച്ചു പുറത്തിറക്കും. ഇന്ന് ചേര്‍ന്ന കരിക്കുല കമ്മിറ്റി യോഗത്തിലാണ് തീരുമാനം. യോഗത്തില്‍ കേന്ദ്ര നടപടിക്കെതിരെ രൂക്ഷ വിമര്‍ശനം ഉയര്‍ന്നിരുന്നു.
എന്‍.സി.ആര്‍.ടി ഇത്തരമൊരു തീരുമാനം എടുക്കുകയാണെങ്കില്‍ ബദല്‍ പാഠപുസ്തകം ഇറക്കുമെന്ന് വിദ്യാഭ്യാസ മന്ത്രി നേരത്തെ തന്നെ അറിയിച്ചിരുന്നു. ഏത് ക്ലാസിലേക്കാണ് ഈ പുസ്തകങ്ങള്‍ വിതരണം ചെയ്യേണ്ടത് എന്ന കാര്യത്തില്‍ അടുത്ത അധ്യയന വര്‍ഷത്തിന് മുന്‍പ് തീരുമാനമെടുക്കും.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
