April 28, 2022
April 28, 2022
കോഴിക്കോട് : ഇന്ത്യന് റെയില്വേയുടെ ബാസ്കറ്റ് ബോള് താരം കോഴിക്കോട് കുറ്റ്യാടി പാതിരാപ്പറ്റ കത്തിയണപ്പന്ചാലില് കരുണന്റെ മകള് ലിതാര(22)യെ ദുരൂഹ സാഹചര്യത്തില് മരിച്ച നിലയില് കണ്ടെത്തി. ബിഹാറിലെ ഫ്ളാറ്റിൽ തൂങ്ങിമരിച്ച നിലയിലാണ് മൃതദേഹം കണ്ടെത്തിയത്.
പരിശീലകന് രവി സിങ്ങിന്റെ പേരില് രാജീവ് നഗര് പൊലീസ് സ്റ്റേഷനില് ലിതാരയുടെ കുടുംബം പരാതി നല്കി. രവി സിങ് ഉപദ്രവിക്കുന്നതായി കുടുംബാംഗങ്ങളോടും സഹപ്രവര്ത്തകരോടും ലിതാര പറഞ്ഞിരുന്നു.
പാട്ന ദാനപുരിലെ ഡിആര്എം ഓഫീസിലാണ് ലിതാര ജോലി ചെയ്യുന്നത് ഫോണ് വിളിച്ചപ്പോള് എടുക്കാതിരുന്നതോടെ ഭയന്ന വീട്ടുകാര് ഫ്ലാറ്റ് ഉടമയെ വിളിക്കുകയായിരുന്നു. ഫ്ലാറ്റ് ഉടമ എത്തിയപ്പോള് ഫഌറ്റ് ഉള്ളില് നിന്ന് പൂട്ടിയ നിലയിലാണ്. തുറന്ന് പരിശോധിച്ചപ്പോഴാണ് ലിതാരയെ മരിച്ച നിലയില് കണ്ടെത്തിയത്.
പാട്ന ദാനപുരിലെ ഡിആര്എം ഓഫീസിലാണ് ലിതാര ജോലി ചെയ്യുന്നത്. വിഷുവിന് നാട്ടില് വന്നിരുന്നു. മരണത്തില് ദുരൂഹത ആരോപിച്ചും അന്വേഷണം വേണമെന്ന് ആവശ്യപ്പെട്ടും കുടുംബം മുഖ്യമന്ത്രി പിണറായി വിജയന് പരാതി നല്കിയിട്ടുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക