August 02, 2021
August 02, 2021
ഗസ്സ: ഫലസ്തീനിലെ ഹമാസിന്റെ രാഷ്ട്രീയകാര്യ മേധാവിയായി ഇസ്മായില്‍ ഹനിയയെ വീണ്ടും തെരഞ്ഞെടുത്തു. 2017 മുതല്‍ ഹമാസ് മേധാവിയായിരുന്ന ഹനിയയെ ഹമാസ് അംഗങ്ങള്‍ നടത്തിയ ആഭ്യന്തര തെരഞ്ഞെടുപ്പിലാണ് നാല് വര്‍ഷത്തേക്ക് വീണ്ടും എതിരില്ലാതെ തെരഞ്ഞെടുക്കപ്പെട്ടത്. ഇസ്രായേല്‍ ഉപരോധത്താല്‍ ചുറ്റപ്പെട്ട ഗസ മുനമ്പ് ഹമാസ് നിയന്ത്രണത്തിലാണ്. കഴിഞ്ഞ രണ്ട് വര്‍ഷമായി തുര്‍ക്കിയിലും ഖത്തറിലുമായി കഴിയുന്ന ഇസ്മായില്‍ ഹനിയ, ഗസ്സയിലെ പ്രവര്‍ത്തനങ്ങള്‍ നിയന്ത്രിക്കുന്നത് പുറത്തുനിന്നാണ്.
മെയ് മാസത്തില്‍ ഇസ്രായേലുമായി നടന്ന സംഘര്‍ഷത്തിലും ഹമാസിനെ നയിച്ചത് ഇസ്മായില്‍ ഹനിയയായിരുന്നു. ഹമാസ് സ്ഥാപകന്‍ ശൈയ്ഖ് അഹമദ് യാസീന്റെ വലംകൈയായിരുന്നു 58 കാരനായ ഇസ്മായില്‍ ഹനിയ. വീല്‍ചെയറില്‍ കഴിഞ്ഞിരുന്ന ശൈഖ് അഹമ്മദ് യാസീന്‍ 2004ല്‍ ഇസ്രയേല്‍ നടത്തിയ വ്യോമാക്രമണത്തിലാണ് കൊല്ലപ്പെട്ടത്.
