February 28, 2023
February 28, 2023
ന്യൂസ്‌റൂം ബ്യുറോ
ദോഹ :ബോളിവുഡ് താരം ദീപിക പദുകോൺ ലോകത്തെ ഏറ്റവും മികച്ച വിമാനക്കമ്പനികളിൽ ഒന്നായ ഖത്തർ എയർവെയ്സിന്റെ ഗ്ലോബൽ ബ്രാൻഡ് അംബാസിഡറായി നിയമിതയായി.ദീപികയെ നായികയാക്കി ഉടൻ തന്നെ ഖത്തർ എയർവെയ്സിന്റെ പരസ്യ ചിത്രം പുറത്തിറങ്ങും.
ഖത്തർ എയർവെയ്സിന്റെ ലക്ഷ്വറിയും ഫൈവ് സ്റ്റാർ സർവീസുകളെ പ്രതിനിധീകരിക്കുന്ന താരമൂല്യമുള്ള നടിയാണ് ദീപികയെന്ന് ഖത്തർ എയർവേസ്‌ പ്രസ്താവനയിൽ വ്യക്തമാക്കി.
"ദീപികയെ ഗ്ലോബൽ ബ്രാൻഡ് അംബാസഡർ ആയി നിയമിച്ചതിൽ ഞങ്ങൾക്ക് സന്തോഷമുണ്ട്. ഖത്തർ എയർവേസിനെപ്പോലെ ഒരു ബ്രാൻഡിന് ആവശ്യമായ പ്രശസ്തിയും കരിസ്മയും ദീപികക്കുണ്ട്. ഈ സഹകരണത്തിലൂടെ ആകാശത്തും ഭൂമിയിലും ഖത്തർ എയർവേസ്‌ .നൽകുന്ന പ്രീമിയം സർവീസ് ഇനി ലോകം മുഴുവനുമെത്തും," ഖത്തർ എയർവേയ്സ്‌ സി.ഇ.ഒ അക്ബർ അൽ ബേക്കർ പറഞ്ഞു.
ഖത്തർ ഫിഫ ലോകകപ്പിന്റെ സമാപന ചടങ്ങിൽ ലുസൈൽ സ്റ്റേഡിയത്തിൽ ഐകര്‍ കസിയസിനൊപ്പം ദീപിക പദുകോൺ ട്രോഫി അനാവരണം ചെയ്തത് ലോക ശ്രദ്ധ നേടിയിരുന്നു.ഇതിനു പിന്നാലെയാണ് ഇന്ത്യക്ക് അഭിമാനമായി പുതിയ പദവി താരത്തെ തേടിയെത്തിയത്.
വാർത്തകൾ ലഭിക്കാൻ നിലവിൽ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
