November 13, 2022
November 13, 2022
ന്യൂസ് ഏജൻസി
വാഷിംഗ്ടൺ : “എന്റെ പേര് നബീല സെയ്ദ്. ഞാൻ 23 വയസ്സുള്ള ഒരു മുസ്ലീം, ഇന്ത്യൻ-അമേരിക്കൻ സ്ത്രീയാണ്,ജനുവരിയിൽ ഞാൻ ഇല്ലിനോയിസ് ജനറൽ അസംബ്ലിയിലെ ഏറ്റവും പ്രായം കുറഞ്ഞ അംഗമാകും." ബുധനാഴ്ച ഒരു ട്വീറ്റിൽ ഇങ്ങനെ കുറിച്ചത് അമേരിക്കയിലെ ഇടക്കാല തെരഞ്ഞെടുപ്പിൽ ചരിത്ര വിജയം നേടിയ 23 കാരിയായ ഇന്ത്യൻ മുസ്ലിം അമേരിക്കൻ വനിത നബീല സെയ്ദ്.
തെരഞ്ഞെടുപ്പിൽ 52.3 ശതമാനം വോട്ടുകളോടെ റിപ്പബ്ലികൻ സ്ഥാനാർഥി ക്രിസ് ബോസിനെ പരാജയപ്പെടുത്തിയാണ് നബീല വിജയിച്ചത്. ഇല്ലിനോയിസ് സ്റ്റേറ്റ് ഹൗസ് ഓഫ് റെപ്രസന്റേറ്റീവിലെ 51ാം ജില്ലയിലേക്കാണ് നബീല തെരഞ്ഞെടുക്കപ്പെട്ടത്.My name is Nabeela Syed. I’m a 23-year old Muslim, Indian-American woman. We just flipped a Republican-held suburban district.
— Nabeela Syed (@NabeelaforIL) November 9, 2022
And in January, I’ll be the youngest member of the Illinois General Assembly.
തെരഞ്ഞടുപ്പ് കാലത്തെ അവരുടെ നീണ്ടയാത്രയെ കുറിച്ച് ഇൻസ്റ്റഗ്രാമിൽ കുറിച്ചിട്ടുണ്ട്. “എന്നെ സംസ്ഥാന പ്രതിനിധിയായി പ്രഖ്യാപിച്ചപ്പോൾ ആളുകളുമായി ആത്മാർത്ഥതോടെ സംഭാഷണത്തിൽ ഏർപ്പെടുകയെന്നത് ഞാൻ ഒരു ദൗത്യമാക്കി മാറ്റി. അവർക്ക് നമ്മുടെ ജനാധിപത്യത്തിൽ ഇടപെടാൻ ഒരു അവസരം നൽകും. അവരുടെ മൂല്യങ്ങളെ പ്രതിനിധീകരിക്കുന്ന മികച്ച നേതൃത്വത്തിനായി പ്രയത്നിക്കുകയും ചെയ്തു.”അതുകൊണ്ടാണ് താൻ ഈ ഓട്ടത്തിൽ വിജയിച്ചതെന്ന് സെയ്ദ് കൂട്ടിച്ചേർത്തു. എല്ലാവരുടെയും പിന്തുണയ്ക്ക് നന്ദി അറിയിക്കുകയും ചെയ്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക.
