March 13, 2023
March 13, 2023
ന്യൂസ്‌റൂം ബ്യുറോ
ദോഹ : അൽ ഉല കരാറിനും ഫിഫ ലോകകപ്പിനും ശേഷം ഖത്തറും യു.എ.ഇയും തമ്മിലുള്ള അടുപ്പം കൂടുതൽ ശക്തമാവുന്നു. 2026ല്‍ ഇന്റര്‍നാഷണല്‍ മോണിറ്ററി ഫണ്ടിന്റെയും (ഐഎംഎഫ്) ലോകബാങ്കിന്റെയും വാര്‍ഷിക സമ്മേളനങ്ങള്‍ക്ക് ആതിഥേയത്വം വഹിക്കുന്നതില്‍ ഖത്തറിന് യുഎഇ പിന്തുണ അറിയിച്ചു. അടുത്ത കാലത്തായി നടന്ന ഉന്നതതല ചര്‍ച്ചകള്‍ക്കു ശേഷം കഴിഞ്ഞ ദിവസം യുഎഇ പ്രസിഡന്റ് ശെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍, ഖത്തര്‍ അമീര്‍ ശെയ്ഖ് തമീം ബിന്‍ ഹമദ് അല്‍ താനിയുമായി ടെലിഫോണില്‍ നടത്തിയ സംഭാഷണത്തിനിടെയാണ് അന്താരാഷ്ട്ര സാമ്പത്തിക സമ്മേളനത്തിന് യു.എ.ഇ എല്ലാ പിന്തുണയും വാഗ്ദാനം ചെയ്തത്.നേരത്തേ ഈ സമ്മേളനങ്ങള്‍ക്ക് ആതിഥേയത്വം വഹിക്കാനുള്ള അവകാശവാദം യുഎഇ മുന്നോട്ടുവച്ചിരുന്നെങ്കിലും അത് പിന്‍വലിക്കുമെന്ന് യുഎഇ പ്രസിഡന്റ് ഖത്തര്‍ അമീറിനെ അറിയിച്ചു. ഈ ആഗോള സമ്മേളനത്തിന് ആതിഥേയത്വം വഹിക്കുന്നതില്‍ യുഎഇ പ്രസിഡന്റ് ഖത്തര്‍ അമീറിനും ഖത്തറിലെ ജനങ്ങള്‍ക്കും എല്ലാ വിജയങ്ങളും ആശംസിച്ചു.
ഇരു രാജ്യങ്ങളും തമ്മില്‍ നിലനില്‍ക്കുന്ന സാഹോദര്യ ബന്ധത്തെക്കുറിച്ചും കൂടുതല്‍ സഹകരണത്തിനുള്ള മേഖലകള്‍ കൂടുതല്‍ വ്യാപിപ്പിക്കുന്നതിനെ കുറിച്ചും നേതാക്കൾ ചര്‍ച്ച ചെയ്തു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
