April 21, 2021
April 21, 2021
ദോഹ : ഖത്തറിൽ തൊഴിലാളികൾക്കായി ഒരുക്കിയ വാക്സിനേഷൻ കേന്ദ്രത്തിൽ വാക്സിൻ എടുക്കുന്നതിനുള്ള നടപടിക്രമങ്ങൾ അധികൃതർ വിശദീകരിച്ചു. നിരവധി പേർ മുൻകൂട്ടി രജിസ്റ്റർ ചെയ്യാതെ ഇവിടെയെത്തി മണിക്കൂറുകളോളം കാത്തിരുന്ന ശേഷം നിരാശരായി മടങ്ങുന്നതായി നേരത്തെ ന്യൂസ്‌റൂം റിപ്പോർട്ട് ചെയ്തിരുന്നു.ഇതിനുപിന്നാലെയാണ് ഇതിനുള്ള നടപടിക്രമങ്ങൾ അധികൃതർ വ്യക്തമാക്കിയത്.
സ്ട്രീറ്റ് നമ്പർ 7 ൽ പഴയ മെഡിക്കല്‍ കമ്മീഷന്‍ സ്ഥലത്താണ് വാക്‌സിനേഷന്‍ കേന്ദ്രം പ്രവർത്തിക്കുന്നത്. വെള്ളിയാഴ്ച്ച ഒഴികെയുള്ള ദിവസങ്ങളില്‍ രാവിലെ 7 മുതല്‍ വൈകീട്ട് 7 വരെ പ്രവര്‍ത്തിക്കുന്നുണ്ട്.
രജിസ്റ്റർ ചെയ്യുന്ന കമ്പനികളിലെ തൊഴിലാളികൾക്കു മാത്രമാണ് ഇവിടെ വാക്സിൻ നൽകുന്നത്. കമ്പനിയുടെ വിവരങ്ങൾ,തൊഴിലാളികളുടെ എണ്ണം,തൊഴിൽ സ്വഭാവം,മുതലായവ സഹിതമാണ് അപേക്ഷിക്കേണ്ടത്.തൊഴിലാളിയുടെ പേര്,ഐഡി നമ്പർ,മൊബൈൽ നമ്പർ,സ്ത്രീ,പുരുഷൻ എന്നീ വിവരങ്ങൾ ഉൾപ്പെടെ vcia@hamad.qa എന്ന ഇ മെയിൽ വിലാസത്തിലേക്കാണ് അയക്കേണ്ടത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
