October 19, 2021
October 19, 2021
ദോഹ : കേരളത്തെ പ്രളയം വിഴുങ്ങിയ ദിവസങ്ങളിൽ മുണ്ടക്കയത്ത് ഇരുനില വീട് നിലംപൊത്തുന്ന ദൃശ്യം അറബ് സമൂഹത്തിലും ചർച്ചയാവുന്നു.കേരളത്തിലെ മഴക്കെടുതിയുടെ തീവ്രത കാണിക്കുന്ന ദൃശ്യം അറബ് മാധ്യമങ്ങളും സമൂഹ മാധ്യമങ്ങളും ഏറ്റെടുക്കുകയായിരുന്നു.മുണ്ടക്കയം കൂട്ടിക്കലിലുള്ള വീടാണ് മലവെള്ളപ്പാച്ചിലിൽ ഒഴുകിപ്പോയത്.അപകടസാധ്യതയുണ്ടെന്ന മുന്നറിയിപ്പിനെ തുടർന്ന് വീട്ടുകാരെ നേരത്തെ ഒഴിപ്പിച്ചിരുന്നു.കനത്ത മഴയെ തുടർന്ന് പുഴയിൽ വെള്ളം കുത്തിയൊലിച്ചു വന്നതിനെ തുടർന്ന് വീടിന്റെ അടിഭാഗത്തെ മണ്ണൊലിച്ചു പോവുകയും വീട് പൂർണമായും നിലംപൊത്തുകയുമായിരുന്നു.
അന്താരാഷ്ട്ര വീഡിയോ പോർട്ടലുകൾ നൽകിയ വീഡിയോ സമൂഹ മാധ്യമങ്ങളിൽ വ്യാപകമായി ഷെയർ ചെയ്യപ്പെടുകയായിരുന്നു.അൽ ജസീറ ഉൾപെടെയുള്ള മാധ്യമങ്ങളും വലിയ പ്രാധാന്യത്തോടെയാണ് വാർത്തയും വീഡിയോയും പങ്കുവെച്ചത്.
ന്യൂസ്റൂം വാർത്തകൾ ലഭിക്കാൻ +974 66200167 എന്ന നമ്പറിൽ സന്ദേശം അയക്കുക.