February 28, 2023
February 28, 2023
ന്യൂസ്‌റൂം ബ്യുറോ
ദോഹ : ഫിഫ ലോകകപ്പിനായി കുടുംബാംഗങ്ങൾക്കും സുഹൃത്തുക്കൾക്കും ആതിഥേയത്വം നൽകിയ ഖത്തറിൽ താമസ വിസയുള്ളവർ ഹയ്യ പ്ലാറ്റ്‌ഫോമിൽ രജിസ്റ്റർ ചെയ്ത വിവരങ്ങൾ പുനഃക്രമീകരിക്കണമെന്ന് അറിയിപ്പ്.നേരത്തെ നൽകിയിരുന്ന താമസ സ്ഥലം ഉൾപ്പെടെയുള്ള വിവരങ്ങൾ ഇന്ന് മുതൽ റദ്ദാവുകയും അതിഥികളുടെ പേരുകളും താമസ സ്ഥലം ഉൾപ്പെടെയുള്ള വിവരങ്ങളും പുതുക്കി നൽകുകയും ചെയ്യാം.ഇക്കാര്യം അറിയിച്ച് ഹയ്യാ കാർഡ് ഉടമകൾക്ക് അധികൃതർ ഇ-മെയിൽ സന്ദേശങ്ങൾ അയച്ചിട്ടുണ്ട്.നേരത്തെ നൽകിയിരുന്ന വിവരങ്ങൾ ഇന്ന് മുതൽ സ്വമേധയാ റദ്ദാകും.
ലോകകപ്പിനായി നേരത്തെ കൊണ്ടുവന്ന അതിഥികളുമായി ബന്ധപ്പെട്ട എല്ലാ വിവരങ്ങളും ഇന്ന് മുതൽ റദ്ദാവുകയും നേരത്തെ വന്നവർ തന്നെയാണ് വീണ്ടും ഹയ്യ കാർഡിൽ വരുന്നതെങ്കിലും വിവരങ്ങൾ വീണ്ടും ഉൾപ്പെടുത്തുകയും വേണം..ആതിഥ്യം നൽകുന്നവരുടെ താമസ സ്ഥലം ഉൾപ്പെടെയുള്ള വിവരങ്ങളാണ് നൽകേണ്ടത്.ഹോട്ടലിലാണ് താമസിക്കുന്നതെങ്കിൽ ആ വിവരവും കൃത്യമായി നൽകിയിരിക്കണം.
ലോകകപ്പ് വേളയിൽ അനുവദിച്ചിരുന്ന ഇളവുകൾക്ക് ശേഷം ഹയ്യ കാർഡിൽ ബന്ധുക്കളെയും സുഹൃത്തുക്കളെയും ഖത്തറിലേക്ക് കൊണ്ടുവരാൻ അധികൃതർ വീണ്ടും അനുമതി നൽകിയിരുന്നു.ഇന്റർനാഷനൽ ഹയ്യ കാർഡ് ഉള്ളവർക്കാണ് ഖത്തർ സന്ദർശിക്കാൻ അനുമതിയുള്ളത്.
വാർത്തകൾ ലഭിക്കാൻ നിലവിൽ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
