November 16, 2022
November 16, 2022
ന്യൂസ്‌റൂം ബ്യുറോ
ദോഹ : ഖത്തറിലെ പ്രമുഖ ഹൈപ്പർമാർക്കറ്റ് ശ്രുംഖലയായ ഗ്രാൻഡ് മാളിന്റെ എട്ടാമത് ശാഖ 'ഗ്രാൻഡ് എക്സ്പ്രസ്സ്' നവംബർ 16 ബുധനാഴ്ച ദോഹയിലെ അസീസിയയിൽ പ്രവർത്തനം തുടങ്ങും.
ഉപഭോക്താക്കൾക്ക് മികച്ച ഉൽപന്നങ്ങളും കൃത്യതയാർന്ന സേവനവും ഉറപ്പുനൽകുന്ന ഗ്രാൻഡ്മാളിന്റെ ഖത്തറിലെ പ്രവർത്തന വിജയത്തിലെ നാഴികക്കല്ലായാണ് കുറഞ്ഞ കാലത്തിനകം എട്ടാമത്തെ ശാഖയും തുറക്കാൻ കഴിഞ്ഞതെന്ന് മാനേജ്‌മെന്റ് അറിയിച്ചു.14,000 ചതുരശ്രയടി വിസ്തൃതിയിൽ ഒറ്റനിലയിൽ പ്രവർത്തിക്കുന്ന അസീസിയ ബ്രാഞ്ചിൽ ഖത്തറിലെ സ്വദേശികളും വിദേശികളുമായ ഉപയോക്താക്കൾക്കാവശ്യമായ എല്ലാ ഉൽപന്നങ്ങളും ഒരുക്കിയിട്ടുണ്ട്.
ഇതിന് പുറമെ,ഖത്തർ ലോകകപ്പിനോടനുബന്ധിച്ച് ബറാഹത്ത് അൽ ജനൂബിൽ ഗ്രാൻഡ് എക്സ്പ്രസ്സ് താൽകാലിക ബ്രാഞ്ചും കഴിഞ്ഞ ദിവസം പ്രവർത്തനം ആരംഭിച്ചിട്ടുണ്ട്.ഇരുപതിനായിരത്തിലധികം വരുന്ന ഫിഫ ലോകകപ്പ് സെക്യൂരിറ്റീസ്, വോളണ്ടിയർ, ആരാധകർ എന്നിവർക്ക് എളുപ്പത്തിൽ മികച്ച സേവനം ലഭ്യമാക്കുകയാണ് ഇതിലൂടെ ലക്ഷ്യമാക്കുന്നതെന്ന് മാനേജ്‌മെന്റ് അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക
