November 09, 2022
November 09, 2022
ന്യൂസ്റൂം ബ്യുറോ
ദോഹ: ഖത്തറില് ലോകകപ്പ് കാണാനെത്തുന്ന ഹയ്യ കാര്ഡ് ഉടമകള്ക്ക് ദോഹ മെട്രോ, ലുസെയ്ല് ട്രാമുകളില് നാളെ മുതല് സൗജന്യ യാത്ര.
നവംബര് 10 മുതല് ഡിസംബര് 23 വരെയാണ് സൗജന്യ യാത്ര അനുവദിച്ചിരിക്കുന്നത്. ലോകകപ്പ് സ്റ്റേഡിയങ്ങള്, ആരാധകര്ക്കായുള്ള വിനോദ കേന്ദ്രങ്ങള് എന്നിവിടങ്ങളുമായി ബന്ധിപ്പിക്കുന്ന ഒൻപത് മെട്രോ സ്റ്റേഷനുകളിൽ 35 എന്ട്രി, എക്സിറ്റ് ഗേറ്റുകള് കൂടി അധികമായി സ്ഥാപിച്ചിട്ടുണ്ട്. സ്റ്റേഷനുകളിലെ തിരക്ക് നിയന്ത്രിക്കാനായാണ് കൂടുതൽ ഗേറ്റുകള് സ്ഥാപിച്ചിരിക്കുന്നത്.
ലോകകപ്പിനിടെ 110 ട്രെയിനുകള് സര്വീസ് നടത്തും. 21 മണിക്കൂര് ദോഹ മെട്രോ സര്വീസ് നടത്തുമെന്ന് ഖത്തര് റെയില് അറിയിച്ചിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക