September 10, 2019
September 10, 2019
കളിയുടെ പല ഘട്ടങ്ങളിലും ഇന്ത്യയുടെ ഗോൾ വല കുലുക്കാൻ ഖത്തർ പരമാവധി ശ്രമിച്ചെങ്കിലും പരാജയപ്പെടുകയായിരുന്നു
ദോഹ : ഫിഫാ ലോകകപ്പ് യോഗ്യതാ മത്സരത്തിൽ ശക്തമായ പ്രതിരോധം തീർത്ത് നിലവിലെ ഏഷ്യൻ ചാമ്പ്യന്മാരായ ഖത്തറിനെ ഇന്ത്യ തളച്ചു.കളി അവസാനിക്കുമ്പോൾ ഇരു ടീമുകൾക്കും ഗോളടിക്കാനായില്ല.തികഞ്ഞ ആത്മവിശ്വാസത്തോടെ കളിക്കാനിറങ്ങിയ ഖത്തർ ആദ്യ പകുതി എത്തുമ്പോഴേക്കും ഇന്ത്യയുടെ ശക്തമായ പ്രതിരോധത്തിന് മുന്നിൽ വിയർത്തു തുടങ്ങിയിരുന്നു.അതേസമയം ക്യാപ്റ്റൻ സുനിൽ ഛേത്രിയില്ലാതെ രണ്ടും കൽപിച്ചു കളിക്കാനിറങ്ങിയ ഇന്ത്യ അസാധാരണമായ പ്രതിരോധമാണ് പുറത്തെടുത്തത്.ആദ്യ 45 മിനുട്ട് കളി പിന്നിട്ടപ്പോൾ തന്നെ ഒരു ഗോളും നേടാനാവാതെ ഖത്തർ ഇന്ത്യയുടെ പ്രതിരോധത്തിന് മുന്നിൽ പതറി തുടങ്ങിയിരുന്നു..ക്യാപ്റ്റൻ സുനിൽ ഛേത്രി ഇല്ലാതെ കളിക്കാനിറങ്ങിയ ഇന്ത്യ ശക്തമായ പ്രതിരോധമാണ് തീർത്തത്.
കളിയുടെ പല ഘട്ടങ്ങളിലും ഇന്ത്യയുടെ ഗോൾ വല കുലുക്കാൻ ഖത്തർ പരമാവധി ശ്രമിച്ചെങ്കിലും പരാജയപ്പെടുകയായിരുന്നു.അവസാന മിനിറ്റുകളിൽ ആക്രമിച്ചു കളിച്ച ആൽമോയിസ് അലി ഉൾപ്പെടെയുള്ള ഖത്തർ താരങ്ങൾ ഇന്ത്യൻ പ്രതിരോധത്തിന് മുന്നിൽ അടിപതറുന്ന കാഴ്ചയാണ് ഇന്ന് അൽസദ് സ്റ്റേഡിയത്തിൽ കണ്ടത്.ഗോൾ അടിക്കുന്നതിനു പകരം സ്വന്തം ഗോൾ വല സുരക്ഷിതമാക്കാനുള്ള തന്ത്രങ്ങളാണ് ഇന്ത്യ കളിയിലുടനീളം പുറത്തെടുത്തത്.