July 01, 2023
July 01, 2023
ന്യൂസ്റൂം ബ്യുറോ
തൃശൂർ / തിരുവനന്തപുരം : സംസ്ഥാനത്ത് ഇന്നും മൂന്ന് പനി മരണങ്ങൾ കൂടി റിപ്പോർട്ട് ചെയ്തു. തൃശൂരിൽ രണ്ടു സ്ത്രീകളും തിരുവനന്തപുരം കല്ലറയിൽ ഒരു പുരുഷനുമാണ് പനി ബാധിച്ചു മരിച്ചത്. വളർകാവ് കൊറ്റപ്പുള്ളി സുനിൽകുമാറിന്റെ ഭാര്യ കുരിയച്ചിറ അനീഷ സുനിൽ(35), പശ്ചിമ ബംഗാൾ സ്വദേശിനി ജാസ്മിൻ ബീബി (28) എന്നിവരാണ് തൃശൂരിൽ മരിച്ചത്. ഇരുവരും തൃശൂർ മെഡിക്കൽ കോളജ ആശുപത്രിയിൽ ചികിത്സയിലായിരുന്നു. ഇരുവരെയും എലിപ്പനിയാണ് ബാധിച്ചതെന്ന് സംശയമുണ്ടെങ്കിലും ആരോഗ്യവകുപ്പ് ഇക്കാര്യം സ്ഥിരീകരിച്ചിട്ടില്ല.
കല്ലറ പാങ്കാട് ആര് ബി വില്ലയില് കിരണ് ബാബു (26) ഡെങ്കിപ്പനി ബാധിച്ച് സ്വകാര്യ ആശുപത്രിയില് ചികിത്സയിലിരിക്കെയാണ് മരിച്ചത്.
കേരളത്തില് ഡെങ്കിപ്പനി ബാധിച്ച് മരിച്ചവരുടെ എണ്ണം 36 ആയി. വിവിധ സാംക്രമിക രോഗങ്ങള് ബാധിച്ച് ഒരുമാസത്തിനിടെ 79 പേരാണ് മരിച്ചത്. കഴിഞ്ഞ ഒരു ദിവസം മാത്രം പനി ബാധിച്ച് 12900 പേരാണ് ആശുപത്രിയില് ചികിത്സ തേടിയത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/GjQM19221WxKnWo2cdbsZe