August 11, 2021
August 11, 2021
കാസര്കോട് : എംസി കമറുദ്ദീനുള്പ്പെടെ മുസ്ലീംലീഗ് നേതാക്കള് പ്രതികളായ ഫാഷന് ഗോള്ഡ് നിക്ഷേപ തട്ടിപ്പ് കേസിലെ മുഖ്യപ്രതികളിലൊരാളായ പൂക്കോയ തങ്ങള് കീഴടങ്ങി. പത്ത് മാസമായി ഒളിവിലായിരുന്ന പൂക്കോയ തങ്ങള് ഹൊസ്ദുര്ഗ് കോടതിയിലാണ് കീഴടങ്ങിയത്.
ജ്വല്ലറി ചെയര്മാനും മഞ്ചേശ്വരം മുന് എംഎല്എയുമായിരുന്ന കമറുദീന് അറസ്റ്റിലായ കഴിഞ്ഞ നവംബര് ഏഴ് മുതല് ജ്വല്ലറി ഉടമയായ പൂക്കോയ തങ്ങള് ഒളിവിലായിരുന്നു. ഇവര്ക്കെതിരെ കാസര്കോട്ടേയും കണ്ണൂരിലേയും വിവിധ പോലീസ് സ്റ്റേഷനുകളില് നിന്നും നൂറിലേറെ പരാതികളാണ് പൊലീസിന് ലഭിച്ചത്.