September 20, 2021
September 20, 2021
പാലാ: ഐക്യരാഷ്ട്രസഭയില് അമേരിക്കന് പ്രതിനിധിയായി ബാലാവകാശ പ്രസംഗം നടത്തിയ പാലാക്കാരിയായ വിദ്യാര്ഥിനി എയ്മിലിന് റോസ് തോമസിന് അഭിനന്ദനപ്രവാഹം. ശശി തരൂര് എം.പി ട്വിറ്ററിലൂടെയും മാണി സി.കാപ്പന് എം.എല്.എ ഫേസ്ബുക്കിലൂടെയും എയ്മിലിനെ അഭിനന്ദിച്ചു. കുട്ടികളുടെ അവകാശങ്ങള് സംബന്ധിച്ച് ഐക്യരാഷ്ട്രസഭ സംഘടിപ്പിച്ച സമ്മേളനത്തിലെ ഉദ്ഘാടന ചടങ്ങിലാണ് അമേരിക്കയില് ഹൈസ്കൂള് വിദ്യാര്ഥിനിയായ എയ്മിലിനായിരുന്നു ആമുഖ പ്രഭാഷണം നടത്തിയത്.
നൂതന വീക്ഷണങ്ങളുടെ സാധ്യത എന്ന വിഷയമാണ് അവതരിപ്പിച്ചത്. കുട്ടികളുടെ അവകാശസമിതിയുടെ യു.എന് ചെയര്മാന്, അസോ. ഡയറക്ടര്, യുനിസെഫ് ആഗോള മേധാവി, കുട്ടികള്ക്കെതിരായ അതിക്രമങ്ങള് സംബന്ധിച്ച സെക്രട്ടറി ജനറലിെന്റ പ്രത്യേക പ്രതിനിധി എന്നിവരായിരുന്നു ചടങ്ങിലെ മറ്റ് പ്രഭാഷകര്. സഹോദരന് ഇമ്മാനുവലിനുള്ള പ്രത്യേക കരുതലിനെക്കുറിച്ച് എയ്മിലിന് ഏഴുതിയ കവിത ശ്രദ്ധിച്ച ന്യൂയോര്ക്കിലെ അഡെല്ഫി യൂനിവേഴ്സിറ്റിയിലെ പ്രഫസറായ ഡോ. പവന് ആന്റണിയാണ് ചടങ്ങിലേക്ക് നാമനിര്ദേശം ചെയ്തത്. 19 രാജ്യങ്ങളെ പ്രതിനിധീകരിച്ചു ലോകമെമ്ബാടുമുള്ള 250 അപേക്ഷകരില്നിന്ന് 30 അംഗങ്ങളിലൊരാളായി എയ്മിലിനെ തെരഞ്ഞെടുത്തു. രണ്ടുവര്ഷം കുട്ടികളുടെ ഉപദേശക സമിതി അംഗമായി പ്രവര്ത്തിച്ചു. തുടര്ന്നാണ് ബാലാവകാശത്തെക്കുറിച്ചു പ്രഭാഷണം നടത്താന് നിയുക്തയായത്.
ഫിലഡല്ഫിയയില് സ്ഥിരതാമസമാക്കിയ പാലാ ആവിമൂട്ടില് ജോസ് തോമസിെന്റയും മൂലമറ്റം കുന്നയ്ക്കാട്ട് മെര്ലിന് അഗസ്റ്റിെന്റയും മകളാണ് എയ്മലിന്. ജോസ് സ്പ്രിങ് ഫോര്ഡ് ഏരിയ ഹൈസ്കൂളില് ഗണിത അധ്യാപകനും മെര്ലിന് ഫാര്മ മേജര് ഫൈസര് ഇന് കോര്പറേഷനില് ഗ്ലോബല് കംപ്ലയിന്റ്സ് അസോ. ഡയറക്ടറുമാണ്.