August 08, 2022
August 08, 2022
കണ്ണൂര്: ആദ്യകാല കമ്മ്യൂണിസ്റ്റ് നേതാവ് ബെര്ലിൻ കുഞ്ഞനന്തൻ നായര് അന്തരിച്ചു. കണ്ണൂര് നാറാത്തെ വീട്ടിൽ വച്ചായിരുന്നു അന്ത്യം. ഇഎംഎസ്സിൻ്റെ പൊളിറ്റിക്കൽ സെക്രട്ടറിയായിരുന്നു. വാര്ധക്യ സഹജമായ അസുഖങ്ങളെ തുടര്ന്ന് ഏറെക്കാലമായി വീട്ടിൽ വിശ്രമത്തിലായിരുന്നു.ദീർഘകാലം ബർലിനിൽ പത്രപ്രവർത്തകനായിരുന്നു.
ഇന്ത്യൻ കമ്മ്യൂണിസ്റ്റ് ലേഖകനായും പ്രവർത്തിച്ചു.1943 മെയ് 25 ന് മുംബൈയിൽ നടന്ന ഒന്നാം പാർട്ടി കോൺഗ്രസിൽ പങ്കെടുത്ത അദ്ദേഹം ഒന്നാം പാർട്ടി കോൺഗ്രസിൽ പങ്കെടുത്ത ഏറ്റവും പ്രായം കുറഞ്ഞ പ്രതിനിധിയായിരുന്നു.
ഇടക്കാലത്ത് വി.എസ് അച്യുതാനന്ദൻ പക്ഷത്തിനായി ശക്തമായി നിലകൊണ്ട അദ്ദേഹം പിന്നീട് പിണറായിയാണ് ശരിയെന്നും അദ്ദേഹത്തെ നേരിൽ കാണണമെന്നും ആഗ്രഹം പ്രകടിപ്പിച്ചിരുന്നെങ്കിലും അതിന് സാധിച്ചിരുന്നില്ല.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597