May 08, 2023
May 08, 2023
ന്യൂസ്റൂം ബ്യൂറോ
ദോഹ: അമീര് കപ്പ് 51-ാം പതിപ്പിന്റെ ഫൈനലില് എത്തിയ അല്-സദ്ദിനെയും അല്-അറബി ക്ലബ്ബിനെയും ഖത്തര് ഫുട്ബോള് അസോസിയേഷന് (ക്യുഎഫ്എ) പ്രസിഡന്റ് ശൈഖ് ഹമദ് ബിന് ഖലീഫ ബിന് അഹമ്മദ് അല് താനി അഭിനന്ദിച്ചു. വരാനിരിക്കുന്ന അമീര് കപ്പ്, ഖത്തര് കപ്പ് എന്നിവയുടെ സമ്മാനത്തുക ഉയര്ത്തിയതായി അദ്ദേഹം അറിയിച്ചു. ആമീര് കപ്പ് സമ്മാനത്തുക 30 മില്യണ് റിയാലായി ഉയര്ത്തി. വിജയിക്കുന്ന ടീമിന് 20 മില്യണ് റിയാലും റണ്ണറപ്പിന് 10 മില്യണ് റിയാലുമാണ് ലഭിക്കുക. അമീര് കപ്പിന്റെ 51-ാം പതിപ്പ് മുതല് ഇത് പ്രാഭല്യത്തില് വരും.
2023-24 സീസണില് ആരംഭിക്കുന്ന ഖത്തര് കപ്പ് സമ്മാനത്തുക 20 മില്യണ് റിയാലായി ഉയര്ത്തി. ചാമ്പ്യന് 15 മില്യണ് റിയാലും രണ്ടാം സ്ഥാനക്കാരായ ക്ലബിന് 5 മില്യണ് റിയാലുമാണ് ലഭിക്കുന്നത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL