March 26, 2023
March 26, 2023
ന്യൂസ്റൂം ബ്യൂറോ
കൊച്ചി: ബ്രഹ്മപുരത്ത് വീണ്ടും തീപിടുത്തം. സെക്ടര് ഒന്നിലാണ് തീപിടുത്തമുണ്ടായത്. രണ്ടു ഫയര് യൂണിറ്റുകള് തീ കെടുത്താനുള്ള ശ്രമം നടത്തിവരികയാണ്. കഴിഞ്ഞ ദിവസങ്ങളില് ബ്രഹ്മപുരത്തുണ്ടായ തീപിടുത്തം ജനജീവിതം ദുസ്സഹമാക്കിയിരുന്നു. 12 ദിവസത്തെ കൂട്ടായ പരിശ്രമത്തിനൊടുവിലാണ് ബ്രഹ്മപുരത്തെ തീയണക്കാന് സാധിച്ചത്.
കഴിഞ്ഞ ദിവസങ്ങളില് ബ്രഹ്മപുരത്ത് തീപിടുത്തമുണ്ടായ ശേഷം വന്ജാഗ്രതയാണ് അധികൃതര് പുലര്ത്തുന്നത്. അതിനിടെയാണ് വീണ്ടും തീപിടുത്തമുണ്ടായത്. ഇതോടെ തീയണക്കാനുള്ള ശ്രമങ്ങള് ഊര്ജിതമാക്കി.
സെക്ടര് ഒന്നില് വലിയ തോതില് കൂട്ടിയിട്ടിരിക്കുന്ന മാലിന്യത്തിന്റെ അടിയില് നിന്നാണ് തീ ഉയര്ന്നതെന്നാണ് ലഭ്യമാകുന്ന വിവരം. എന്നാല് ഇന്നുണ്ടായത് ചെറിയ തീപിടുത്തമാണെന്നും വളരെ വേഗം തീയണക്കാന് കഴിയുമെന്നും തൃക്കാക്കര ഫയര് ഓഫീസര് അറിയിച്ചു. ആവശ്യമെങ്കില് കൂടുതല് ഫയര് ഫോഴ്സ് യൂണിറ്റുകളെ എത്തിക്കുമെന്നും ഫയര് ഓഫീസര് പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/KIGk615xlF1ILlMGxpUXqI