April 02, 2023
April 02, 2023
ന്യൂസ്റൂം ബ്യുറോ
ദോഹ :ഖത്തറിൽ ഏഷ്യക്കാരനെ മർദിച്ച യുവാക്കളുടെ സംഘത്തെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചുഅറബ് പരമ്പരാഗത വേഷം ധരിച്ച ആറു പേരാണ് സംഘത്തിലുള്ളത്.തുടർ നിയമ നടപടികൾക്കായി ഇവരെ പബ്ലിക് പ്രോസിക്യൂഷന് കൈമാറിയതായും ആഭ്യന്തര മന്ത്രാലയത്തെ ഉദ്ധരിച്ച് പ്രമുഖ അറബ് ദിനപത്രം റിപ്പോർട്ട് ചെയ്തു.
ദോഹയിൽ നിന്നും വളരെ അകലെയുള്ള ഉൾപ്രദേശത്ത് വെച്ച് ഒരു സംഘം യുവാക്കൾ ഏഷ്യക്കാരന്റെ ശരീരത്തിന്റെ പ്രത്യേക ഭാഗങ്ങളിൽ ക്രൂരമായി മർദിക്കുന്നതിന്റെ ചിത്രങ്ങൾ സമൂഹ മാധ്യമങ്ങളിൽ പ്രചരിച്ചിരുന്നു.ഇതിനു പിന്നാലെയാണ് ആഭ്യന്തര മന്ത്രാലയം വിശദമായ അന്വേഷണം നടത്തി പ്രതികളായ യുവാക്കളെ കണ്ടെത്തി അറസ്റ്റ് ചെയ്തത്.ജനങ്ങളുടെ.സുരക്ഷയെയും സാമൂഹ്യ അന്തരീക്ഷത്തെയും മൂല്യങ്ങളെയും ബാധിക്കുന്ന ഇത്തരം പെരുമാറ്റങ്ങൾക്കെതിരെ കർക്കശ നടപടികൾ സ്വീകരിക്കാൻ മടിക്കില്ലെന്ന് ആഭ്യന്തര മന്ത്രാലയം മുന്നറിയിപ്പ് നൽകി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI