September 10, 2021
September 10, 2021
ലാറ്റിനമേരിക്കൻ ലോകകപ്പ് യോഗ്യതാ മത്സരങ്ങളിൽ അർജന്റീനയ്ക്കും ബ്രസീലിനും വിജയം. കോപ്പ വിജയികളായ ശേഷം സ്വന്തം കാണികൾക്ക് മുന്നിൽ ആദ്യമായി പന്ത് തട്ടാനിറങ്ങിയ അർജന്റീന മറുപടിയില്ലാത്ത മൂന്ന് ഗോളുകൾക്ക് ബൊളീവിയയെ തകർത്തപ്പോൾ, പെറുവിനെതിരെ രണ്ട് ഗോളുകളുടെ ഏകപക്ഷീയവിജയമാണ് കാനറികൾ സ്വന്തമാക്കിയത്.
സൂപ്പർ താരം ലയണൽ മെസ്സിയുടെ ഹാട്രിക്കിന്റെ ചിറകിലേറിയാണ് അർജന്റീന വിജയം സ്വന്തമാക്കിയത്. ഇതോടെ ലാറ്റിനമേരിക്കൻ ഗോൾവേട്ടക്കാരുടെ പട്ടികയിൽ പെലെയെ മറികടന്ന് മെസ്സി ഒന്നാമതെത്തി. എവർട്ടൻ റിബറോയും നെയ്മറുമാണ് ബ്രസിലീനായി ഗോൾവല കുലുക്കിയത്. മറ്റ് മത്സരങ്ങളിൽ കൊളംബിയ ചിലിയെയും, ഉറുഗ്വേ ഇക്വഡോറിനെയും, പരാഗ്വേ വെനസ്വേലയെയും പരാജയപ്പെടുത്തി.