August 05, 2021
August 05, 2021
ദോഹ: ഖത്തറില്‍ കോവിഡ് പ്രോട്ടോക്കോളുകള്‍ ലംഘിക്കുന്നവര്‍ക്ക് മൂന്ന് വര്‍ഷം വരെ ജയില്‍ ശിക്ഷയോ 200,000 ഖത്തര്‍ റിയാല്‍ വരെ പിഴയോ രണ്ടും ഒരുമിച്ചോ ലഭിച്ചേക്കും. 1990 ലെ പകര്‍ച്ചവ്യാധി പ്രതിരോധ നിയമം നമ്പര്‍ 17 പ്രകാരം ശിക്ഷ ലഭിക്കാമെന്ന് ആഭ്യന്തര മന്ത്രാലയത്തിലെ ഉന്നത ഉദ്യോഗസ്ഥന്‍ അറിയിച്ചു.
മെസൈമീര്‍ പോലീസ് സ്റ്റേഷന്‍ തലവന്‍ കൂടിയായ ലെഫ്.കേണല്‍ ഖലീഫ സല്‍മാന്‍ അല്‍ മാമറി ആണ ഒരു വെബിനാറില്‍ ഇക്കാര്യം വ്യക്തമാക്കിയത്. പൊതുവിടങ്ങളില്‍ മാസ്‌ക് ധരിക്കുക, സാമൂഹ്യ അകലം പാലിക്കുക, ഇഹ്തിറാസ് ആപ്പിന്റെ കൃത്യമായ ഉപയോഗം, വാഹനങ്ങളില്‍ ആളുകളുടെ അനുവദനീയ പരിധി, സുപ്രീം കമ്മറ്റി ഓഫ് ക്രൈസിസ് മാനേജ്‌മെന്റിന്റെ മറ്റു നിര്‍ദ്ദേശങ്ങളും ഇലക്ട്രോണിക് സേവനങ്ങളും പാലിക്കുക മുതലായവയാണ് ഖത്തറില്‍ തുടരുന്ന കോവിഡ് പ്രോട്ടോക്കോള്‍ എന്നും അദ്ദേഹം ചൂണ്ടിക്കാട്ടി.
