December 02, 2021
December 02, 2021
ദോഹ : കോവിഡിനെതിരായ വാക്സിനേഷൻ പൂർത്തിയാക്കാത്ത ഇന്ത്യക്കാർക്ക് ഓൺ അറൈവൽ വിസ ലഭിക്കില്ലെന്ന് ഖത്തർ ആരോഗ്യമന്ത്രാലയം അറിയിച്ചു. കോവിഡ് വ്യാപനം രൂക്ഷമായ, അതിതീവ്ര പട്ടികയിൽ ആണ് ഇന്ത്യയുടെ സ്ഥാനം എന്നതിനാലാണ് യാത്രാനുമതി നിഷേധിക്കുന്നത്. വാക്സിനേഷൻ പൂർത്തിയാക്കിയ ഇന്ത്യക്കാർക്ക് ഓൺ അറൈവൽ വിസയിൽ രാജ്യം സന്ദർശിക്കാം. രണ്ട് ദിവസത്തെ ഹോട്ടൽ കൊറന്റൈൻ ആണ് ഇവർ പൂർത്തിയാക്കേണ്ടത്.
അതേസമയം, സ്ഥിരവിസയിൽ എത്തുന്ന ഇന്ത്യക്കാർക്ക് വാക്സിൻ എടുത്തിട്ടില്ലെങ്കിലും ഖത്തറിൽ പ്രവേശിക്കാം. ഏഴ് ദിവസത്തെ നിർബന്ധിത കൊറന്റൈൻ ആണ് ഇവർ പൂർത്തിയാക്കേണ്ടത്. ഒപ്പം, ഇഹ്തിറാസ് ആപ്ലിക്കേഷനിൽ റജിസ്റ്റർ ചെയ്യുകയും, 72 മണിക്കൂർ എങ്കിലും മുൻപെടുത്ത കോവിഡ് പരിശോധനാ ഫലം ഹാജരാക്കുകയും വേണം.