October 20, 2021
October 20, 2021
ദോഹ: ഖത്തറിലെ പ്രധാനപ്പെട്ട ആരോഗ്യകേന്ദ്രങ്ങളിലൊന്നായ ഉം ഗുവൈലിനയുടെ പ്രവൃത്തിസമയത്തിൽ മാറ്റം വരുത്തിയതായി ആരോഗ്യമന്ത്രാലയം അറിയിച്ചു. ഇനി മുതൽ വെള്ളി, ശനി ദിവസങ്ങളിൽ ഉം ഗുവൈലിനയിൽ രോഗികളെ പരിശോധിക്കില്ല. ഒക്ടോബർ 22 മുതലാണ് ഈ മാറ്റം പ്രാബല്യത്തിൽ വരിക.
അതേസമയം, തുമാമ ആരോഗ്യകേന്ദ്രം വെള്ളിയും ശനിയും തുറന്ന് പ്രവർത്തിക്കും. ഉം ഗുവൈലിനയിൽ ചികിത്സ തേടേണ്ട രോഗികൾക്ക് മുൻ‌കൂർ ബുക്കിംഗ് ഇല്ലാതെ തന്നെ അൽ തുമാമ, ഉമർ ബിൻ അൽ ഖത്താബ്, അൽ വക്‌റ, എയർപോർട്ട് എന്നിവിടങ്ങളിലെ ആരോഗ്യകേന്ദ്രം സന്ദർശിച്ച് ചികിത്സ തേടാവുന്നതാണ്. വാക്സിനേഷൻ ക്ലിനിക്ക്, എമർജൻസി സർവീസ്, ഫാർമസി, ലബോറട്ടറി, റേഡിയോളജി, ഡെന്റൽ ക്ലിനിക്ക് തുടങ്ങിയ സൗകര്യങ്ങളും ഇവിടങ്ങളിൽ ഒരുക്കിയിട്ടുണ്ടെന്ന് ആരോഗ്യമന്ത്രാലയം അറിയിച്ചു.
