April 01, 2022
April 01, 2022
ബെൽഗൊറാദ് : തങ്ങൾക്ക് നേരെ റഷ്യ നിരന്തരം നടത്തുന്ന ആക്രമണങ്ങൾക്ക് യുക്രൈന്റെ ശക്തമായ തിരിച്ചടി. രണ്ട് സൈനിക ഹെലികോപ്റ്ററുകൾ ഉപയോഗിച്ച് യുക്രൈൻ നടത്തിയ ആക്രമണത്തിൽ അതിർത്തി നഗരമായ ബെൽഗൊറാദിലെ ഇന്ധനഡിപ്പോയ്ക്ക് കനത്ത നാശനഷ്ടങ്ങൾ സംഭവിച്ചു.
ഹെലികോപ്റ്ററിൽ നിന്ന് തൊടുത്ത മിസൈലുകൾ പതിച്ച് ഡിപ്പോയുടെ ഭാഗങ്ങൾ തകർന്നതായും, ആക്രമണത്തിൽ രണ്ടുപേർക്ക് പരിക്കേറ്റതായും റഷ്യ ആരോപിച്ചു. റഷ്യൻ എണ്ണക്കമ്പനിയായ റോസ്നെഫ്റ്റിന്റെ ഉടമസ്ഥതയിലുള്ള ഇന്ധന ഡിപ്പോയ്ക്ക് നേരെയാണ് ആക്രമണം ഉണ്ടായത്.