August 30, 2022
August 30, 2022
ദോഹ : 2022 ഖത്തർ ഫിഫ ലോകകപ്പിൽ പങ്കെടുക്കുന്ന ഹയ്യ കാർഡ് ഉടമകൾക്ക് ഒന്നിലധികം തവണ ഉപയോഗിക്കാവുന്ന എൻട്രി വിസ അനുവദിക്കുമെന്ന് യു.എ.ഇ.എല്ലാ ഹയ്യ കാർഡ് ഉടമകൾക്കും വിസ ഇഷ്യു ചെയ്ത തീയതി മുതൽ 90 ദിവസത്തേക്ക് എപ്പോൾ വേണമെങ്കിലും യുഎഇയിൽ പ്രവേശിക്കാനും താമസിക്കാനും കഴിയും.
ഈ കാലയളവിന് ശേഷം വേണമെങ്കിൽ വിസ 90 ദിവസത്തേക്ക് കൂടി നീട്ടാൻ കഴിയുമെന്നും യുഎഇ സർക്കാർ മീഡിയ ഓഫീസ് ട്വിറ്ററിൽ അറിയിച്ചു.
വിസയുടെ സാധുതയുള്ള സമയത്ത് ഹയ്യ കാർഡ് ഉടമകൾക്ക് ഒന്നിലധികം എൻട്രികൾ അനുവദിക്കും.അതേസമയം, വിസയില്ലാതെ രാജ്യത്തേക്ക് പ്രവേശനം ഒഴിവാക്കിയ രാജ്യങ്ങളിലെ പൗരന്മാർക്ക് ഹയ്യാ കാർഡ് ഇല്ലാതെതന്നെ നേരത്തെയുള്ള പ്രകാരം പ്രവേശനം അനുവദിക്കും.അവർക്ക് നിലവിലുള്ള നടപടിക്രമങ്ങൾ അനുസരിച്ച് യുഎഇയിൽ പ്രവേശിക്കാനും താമസിക്കാനും കഴിയും.
വിസ അപേക്ഷകൾ 2022 നവംബർ 1-മുതൽ www.icp.gov.ae- എന്ന വെബ്‌സൈറ്റ് വഴി സ്വീകരിച്ചു തുടങ്ങും.100 യു.എ.ഇ ദിർഹമാണ് വിസയ്ക്കായി ഈടാക്കുക.ഈ നിരക്കിൽ തന്നെ ഒറ്റത്തവണയായോ പലതവണകളിലായോ പ്രവേശനം അനുവദിക്കും.
ലോകകപ്പ് ആരംഭിക്കുന്നതിന് 10 ദിവസം മുമ്പ് ഹയ്യ കാർഡ് ഉടമകൾക്ക് മൾട്ടിപ്പിൾ എൻട്രി വിസയ്ക്കായി അപേക്ഷിക്കാമെന്ന് നേരത്തെ സൗദി അറേബ്യയും പ്രഖ്യാപിച്ചിരുന്നു.വിസ ലഭിക്കുന്നവർക്ക് 60 ദിവസം വരെ സൗദിഅറേബ്യയിൽ താമസിക്കാം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
