January 07, 2022
January 07, 2022
ദോഹ : രാജ്യത്തെ കോവിഡ് വ്യാപനം രൂക്ഷമായതോടെ, മാസ്കിന്റെ കാര്യത്തിൽ കൂടുതൽ ശ്രദ്ധ ചെലുത്തണമെന്ന നിർദ്ദേശവുമായി ഹമദ് മെഡിക്കൽ കോർപറേഷനിലെ പകർച്ച വ്യാധി വിഭാഗം മേധാവി ഡോക്ടർ അബ്ദുൾ ലത്തീഫ് അൽ ഖാൽ. ഖത്തർ ടീവിയിലെ പരിപാടിയിൽ പങ്കെടുക്കവെ ആണ് അദ്ദേഹം മാസ്കുമായി ബന്ധപ്പെട്ട നിരീക്ഷണങ്ങൾ പങ്കുവെച്ചത്.
മാസ്ക് കേവലം വായ മാത്രം മറയ്ക്കാനുള്ളതല്ല, മൂക്ക് കൃത്യമായി മറയുന്നു എന്ന് ഉറപ്പുവരുത്തേണ്ടതുണ്ട്. മൂന്ന് പാളികളുള്ള മാസ്ക്, പാളികൾ കുറഞ്ഞ മാസ്കിനെക്കാൾ ഫലപ്രദമാണ്, ഡോക്ടർ പറഞ്ഞു. പ്രായം കൂടിയവരും, പ്രതിരോധശേഷി കുറഞ്ഞവരും, ഗുരുതര രോഗങ്ങൾ ഉള്ളവരും N95 മാസ്കുകൾ ഉപയോഗിക്കുന്നതാണ് നല്ലതെന്നും അൽ ഖാൽ കൂട്ടിച്ചേർത്തു.