September 02, 2021
September 02, 2021
ദോഹ : ദോഹയിൽ തിങ്കളാഴ്ച ബസ്സും ട്രക്കും കൂട്ടിയിടിച്ചുണ്ടായ വാഹനാപകടത്തിൽ മൂന്ന് കെനിയൻ സ്വദേശികൾ മരിച്ചതായി കെനിയൻ എംബസി അറിയിച്ചു.. മൂവരും സെക്യൂരിറ്റി ഗാർഡുകളാണ്. പരിക്കേറ്റ രണ്ട് കെനിയൻ സ്വദേശികളെ ആശുപത്രിയിലേക്ക് മാറ്റിയതായും അതിലൊരാളുടെ നില ഗുരുതരമാണെന്നും ഖത്തറിലെ കെനിയൻ എംബസി അറിയിച്ചു.കഴിഞ്ഞ തിങ്കളാഴ്ച ഇവർ സഞ്ചരിച്ചിരുന്ന ബസ് ട്രക്കുമായി കൂട്ടിയിടിച്ചാണ് അപകടമുണ്ടായത്.
മരണപ്പെട്ടവരുടെ മൃതദേഹങ്ങൾ കെനിയയിൽ എത്തിക്കാനുള്ള നടപടികൾ ആരംഭിച്ചിട്ടുണ്ട്. ഇതിനായി ഇവർ ജോലി ചെയ്തിരുന്ന സ്ഥാപനത്തെ ബന്ധപ്പെട്ടിട്ടുണ്ടെന്നും കെനിയൻ എംബസി അറിയിച്ചു. അപകടത്തിൽ പെട്ടവരുടെ വ്യക്തിവിവരങ്ങൾ ലഭ്യമല്ല.
ന്യൂസ്റൂം വാർത്തകൾ ലഭിക്കാൻ 00974 66200167 എന്ന വാട്സ്ആപ് നമ്പറിൽ സന്ദേശം അയക്കുക