July 14, 2022
July 14, 2022
തിരുവനന്തപുരം : വിദേശത്തു നിന്നും കേരളത്തിലെത്തിയ യാത്രക്കാരനിൽ കുരങ്ങുവസൂരിക്ക് സമാനമായ ലക്ഷണങ്ങൾ കണ്ടതായി ആരോഗ്യമന്ത്രി വീണാ ജോർജ്.രോഗിയെ പ്രത്യേകം നിരീക്ഷണത്തിലാക്കിയതായും ആരോഗ്യമന്ത്രി വാർത്താ സമ്മേളനത്തിൽ പറഞ്ഞു.
മൂന്നു ദിവസം മുമ്പ് യു.എ.ഇയിൽ നിന്നെത്തിയ ആളിലാണ് രോഗലക്ഷണം കണ്ടത്.എന്നാൽ വിശദമായ പരിശോധനാ ഫലം ലഭിച്ചാൽ മാത്രമേ രോഗം സ്ഥിരീകരിക്കാൻ കഴിയൂ എന്നും ആരോഗ്യമന്ത്രി പറഞ്ഞു. സാമ്പിൾ പൂണെ വൈറോളജി ലാബിലേക്ക് അയച്ചിട്ടുണ്ട്.ആവശ്യമായ മുൻകരുതൽ നടപടികൾ സ്വീകരിച്ചതായും മന്ത്രി വ്യക്തമാക്കി.അതേസമയം,രോഗി ഏതു ജില്ലയിൽ നിന്നുള്ള ആളാണെന്നു മന്ത്രി വ്യക്തമാക്കിയില്ല.സ്ഥിരീകരിച്ചാൽ മാത്രമേ ഇതിന് പ്രസക്തിയുള്ളൂ എന്നായിരുന്നു മന്ത്രിയുടെ പ്രതികരണം.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക