September 08, 2021
September 08, 2021
അന്താരാഷ്ട്ര ക്രിക്കറ്റിൽ വീണ്ടും ഒരോവറിൽ ആറ് സിക്സറുകൾ പിറന്നു. പാപ്പുവ ന്യൂഗിനിയക്കെതിരായ മത്സരത്തിൽ അമേരിക്കയുടെ ഇന്ത്യൻ വംശജനായ താരം ജസ്കരൻ മൽഹോത്രയാണ് അപൂർവനേട്ടം സ്വന്തമാക്കിയത്.
അമേരിക്കയുടെ ഇന്നിങ്സിലെ അവസാനഓവർ എറിയാനെത്തിയ ഗൗഡി ടോക്കയാണ് മൽഹോത്രയുടെ ബാറ്റിന്റെ ചൂടറിഞ്ഞത്. 124 പന്തുകളിൽ നിന്നും 16 പടുകൂറ്റൻ സിക്സറുകളുടെ അകമ്പടിയോടെ 173 റൺസെടുത്ത താരം പുറത്താവാതെ നിന്നു. ഏകദിനക്രിക്കറ്റിൽ ഇതിന് മുൻപ് ദക്ഷിണാഫ്രിക്കൻ താരം ഹെർഷൽ ഗിബ്സാണ് ഒരോവറിൽ ആറ് സിക്സറുകൾ പറത്തിയത്.