July 30, 2021
July 30, 2021
ദോഹ: രാജ്യത്തെ ആദ്യത്തെ ശൂറാ കൗണ്‍സില്‍ തെരഞ്ഞെടുപ്പുമായി ബന്ധപ്പെട്ട കാര്യങ്ങള്‍ക്ക് അമീറിന്റെ അംഗീകാരം. അമീര്‍ ശൈഖ് തമീം ബിന്‍ ഹമദ് അല്‍താനി ശൂറാ കൗണ്‍സില്‍ തിരഞ്ഞെടുപ്പുമായി ബന്ധപ്പെട്ട വിഷയത്തില്‍ അംഗീകാരം നല്‍കിയതായി അമീരി ദിവാന്‍ കഴിഞ്ഞദിവസമാണ് പ്രഖ്യാപിച്ചത്.
45 സീറ്റുകളുള്ള ലെജിസ്ലേറ്റീവ് കൗണ്‍സിലിലെ 30 അംഗങ്ങള്‍ക്ക് ഖത്തറി പൗരന്മാര്‍ക്ക് വോട്ട് ചെയ്യാമെന്നും ബാക്കി 15 അംഗങ്ങളെ അമീര്‍ തന്നെ തിരഞ്ഞെടുക്കുമെന്നും പ്രസ്താവനയില്‍ പറയുന്നുണ്ട്. അമീറിന്റെ തീരുമാനം പിന്നീട് പൊതു ഗസറ്റില്‍ പ്രസിദ്ധീകരിക്കും.
സ്ഥാനാര്‍ത്ഥികളുടെ പേരുകള്‍ പ്രഖ്യാപിച്ചുകഴിഞ്ഞാല്‍ തിരഞ്ഞെടുപ്പ് പ്രചാരണം ആരംഭിക്കും. തീയതി ഇനിയും വെളിപ്പെടുത്തിയിട്ടില്ലെങ്കിലും ഒക്ടോബറില്‍ വോട്ടിംഗ് നടക്കുമെന്നാണ് അറിയുന്നത്.
