March 04, 2022
March 04, 2022
നിഗൂഢത നിറച്ച ലെഗ്സ്പിന്നിനാൽ എതിരാളികളെ വട്ടം കറക്കിയ ഓസ്‌ട്രേലിയൻ ക്രിക്കറ്റ് ഇതിഹാസം ഷെയ്ൻ വോൺ അന്തരിച്ചു. 52 വയസുകാരനായിരുന്ന താരം, ഹൃദയാഘാതം മൂലമാണ് മരണമടഞ്ഞത്. ലോകക്രിക്കറ്റിലെ എക്കാലത്തെയും മികച്ച താരങ്ങളിൽ ഒരാളായി കണക്കാക്കപ്പെടുന്ന വോൺ, ടെസ്റ്റിൽ 708 വിക്കറ്റുകൾ നേടിയിട്ടുണ്ട്.
രണ്ട് ഇന്നിങ്‌സിലുമായി 10 തവണ പത്തുവിക്കറ്റ് നേട്ടം കൈവരിച്ച വോൺ, 35 തവണയാണ് ടെസ്റ്റിലെ ഒരിന്നിംഗ്‌സിൽ അഞ്ച് ഇരകളെ വീഴ്ത്തിയത്. ഇന്ത്യൻ പ്രീമിയർ ലീഗിന്റെ ആദ്യ സീസണിൽ രാജസ്ഥാൻ റോയൽസിന്റെ നായകനായി എത്തിയ താരം, താരതമ്യേന ചെറിയ ടീമിനെ ഉപയോഗിച്ച് കന്നിക്കിരീടം നേടുകയും ചെയ്തു. ആസ്ട്രേലിയൻ ക്രിക്കറ്റിന്റെ സുവർണ്ണകാലത്തെ പ്രധാനികളിൽ ഒരാളായിരുന്ന വോണിന്, ഇന്ത്യയിലും നിറയെ ആരാധകരുണ്ടായിരുന്നു. 1993 ജൂൺ 4 ന് ഇംഗ്ലീഷ് താരം മൈക്ക് ഗേറ്റിങ്ങിനെ പുറത്താക്കിയ 'നൂറ്റാണ്ടിന്റെ പന്തടക്കം' ഒരുപിടി അവിശ്വസനീയ നിമിഷങ്ങൾ വോൺ ലോകക്രിക്കറ്റിന് സമ്മാനിച്ചിട്ടുണ്ട്.
