April 16, 2022
April 16, 2022
പാലക്കാട് : പാലക്കാട് ആർ.എസ്.എസ് പ്രവർത്തകനെ കടയിൽ കയറി വെട്ടി കൊലപ്പെടുത്തി. മുൻ ശാരീരിക് ശിക്ഷൺ പ്രമുഖ് ശ്രീനിവാസനാണ് കൊല്ലപ്പെട്ടത്. ഇന്നുച്ചയ്ക്കാണ് മൂന്ന് സ്കൂട്ടറുകളിലായി അഞ്ചോളം പേർ ശ്രീനിവാസന്റെ കടയിലേക്ക് ഇരച്ചുകയറിയത്. എല്ലാവരുടെയും കയ്യിൽ വാളുകൾ ഉണ്ടായിരുന്നെന്ന് ദൃക്‌സാക്ഷികൾ മൊഴി നൽകി.
ഗുരുതരമായി പരിക്കേറ്റ ശ്രീനിവാസനെ ആശുപത്രിയിൽ പ്രവേശിപ്പിച്ചെങ്കിലും, വൈകാതെ മരണത്തിന് കീഴടങ്ങുകയായിരുന്നു. കഴിഞ്ഞ ദിവസം എസ്.ഡി.പി.ഐ പ്രവർത്തകനായ സുബൈർ കൊല്ലപ്പെട്ടിരുന്നു. ഇതിന്റെ പ്രതികാരമായാണ് ശ്രീനിവാസനെ കൊലപ്പെടുത്തിയത് എന്ന് അഭ്യൂഹങ്ങൾ ഉണ്ടെങ്കിലും, ഇക്കാര്യം പോലീസ് സ്ഥിരീകരിച്ചിട്ടില്ല. ആക്രമണത്തിന് പിന്നിൽ എസ്.ഡി.പി.ഐ ആണെന്ന് ബി.ജെ.പി ആരോപിച്ചു.
