November 14, 2021
November 14, 2021
ഗയാക്വിൽ : ഇക്വഡോറിലെ പെനിറ്റെൻസിയാറിയ ജയിലിൽ പൊട്ടിപ്പുറപ്പെട്ട കലാപത്തിൽ 68 തടവുകാർ കൊല്ലപ്പെട്ടു. സംഭവത്തിൽ നിരവധി തടവുപുള്ളികൾക്ക് പരിക്കേറ്റതായും അധികൃതർ അറിയിച്ചു. രണ്ട് ഗുണ്ടാസംഘങ്ങളിലെ ആളുകൾ തമ്മിലേറ്റുമുട്ടിയതാണ് കലാപത്തിൽ അവസാനിച്ചതെന്നാണ് അധികൃതരുടെ അനുമാനം.
ഗയാക്വിൽ നഗരത്തിന്റെ തെക്കൻ പ്രവിശ്യയിൽ സ്ഥിതിചെയ്യുന്ന ജയിലിൽ മുൻപും സമാനസംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. അന്ന് അരങ്ങേറിയ കലാപത്തിൽ 119 പേർക്കാണ് ജീവൻ നഷ്ടപ്പെട്ടത്. ജയിലിലുള്ള ഉറ്റവർ സുരക്ഷിതരാണോ എന്നറിയാൻ ആയിരക്കണക്കിന് പേരാണ് ജയിലിന് മുന്നിൽ ഒത്തുകൂടിയത്.