May 20, 2021
May 20, 2021
ദോഹ: ദേശീയ കോവിഡ് പ്രതിരോധ കുത്തിവയ്പ്പ് ആരംഭിച്ചതിനുശേഷം ആദ്യമായി ഖത്തർ പ്രതിദിനം 40,000 വാക്സിനുകൾ നൽകി സ്വന്തം റെക്കോർഡ് മറികടന്നു.40,769 വാക്സിനുകൾ ബുധനാഴ്ചയോടെ നൽകികഴിഞ്ഞതായാണ് പൊതുജനാരോഗ്യ മന്ത്രാലയം വെളിപ്പെടുത്തിയത്.രാജ്യത്ത് ഇതുവരെ 21.5 ലക്ഷം വാക്സിനുകൾ നൽകിയാതായും പൊതുജനാരോഗ്യ മന്ത്രാലയം വെളിപ്പെടുത്തി.
വാക്സിൻ രണ്ട് ഡോസുകളും സ്വീകരിച്ചവർക്ക് വൈറസ് ബാധിച്ചാൽ ആശുപത്രിയിൽ പ്രവേശിക്കാനുള്ള സാധ്യത 61 ശതമാനം കുറവാണ്, തീവ്രപരിചരണം വേണ്ടി വരുന്ന അവസ്ഥ 91 ശതമാനം കുറവാണ്.
പൂർണമായും കുത്തിവയ്പ് നടത്തിയവരിൽ കോവിഡ് -19 മരണങ്ങളൊന്നും ഇതുവരെ ഉണ്ടായിട്ടില്ല.
അർഹരായ ജനസംഖ്യയുടെ 54.7% പേർക്ക് ഇപ്പോൾ കുറഞ്ഞത് ഒരു ഡോസ് വാക്സിൻ ലഭിച്ചു കഴിഞ്ഞു , ഇതിൽ 60 വയസോ അതിൽ കൂടുതലോ പ്രായമുള്ളവരിൽ 89.5% പേർക്കും വാക്സിൻ ലഭിച്ചു കഴിഞ്ഞു . ഏറ്റവും ദുർബലരായ ജനസംഖ്യയിലെ 84% പേർക്കും രണ്ട് ഡോസുകളും ലഭിച്ചു.
അതേസമയം, ദിവസേനയുള്ള കോവിഡ് -19 കേസുകൾ കുറയുന്നുണ്ട് . ബുധനാഴ്ച മന്ത്രാലയം 295 പുതിയ കേസുകൾ റിപ്പോർട്ട് ചെയ്തു.
ന്യൂസ്റൂം വാട്സ്ആപ് ഗ്രൂപ്പിൽ പുതുതായി ചേരാൻ
https://chat.whatsapp.com/DwYqZdMYXUCGOpYy8tmMSU