January 29, 2022
January 29, 2022
റഷ്യയുടെ ഇടപെടൽ മൂലം യൂറോപ്യൻ ഇന്ധനവിപണിയിൽ പ്രശ്നങ്ങളുണ്ടായാൽ അവ പരിഹരിക്കാൻ മുന്നിട്ടിറങ്ങുമെന്ന് ഖത്തർ. ആവശ്യമെങ്കിൽ താത്കാലികമായി ജർമനിക്ക് ഇന്ധനം നൽകാൻ തങ്ങൾ തയ്യാറാണെന്ന കാര്യം അമേരിക്കൻ പ്രസിഡന്റ് ജോ ബൈഡനെ അറിയിക്കാൻ ഷെയ്ഖ് തമീം ബിൻ ഹമദ് അൽ താനി ഒരുങ്ങുന്നതായാണ് റിപ്പോർട്ടുകൾ.
കിഴക്കൻ ഏഷ്യയിൽ സംഭരിച്ചുവെച്ചിട്ടുള്ള ഇന്ധനം ജർമനിക്ക് നൽകാനാണ് ഖത്തറിന്റെ പദ്ധതി. യൂറോപ്യൻ യൂണിയനുമായുള്ള പ്രശ്നങ്ങൾ പരിഹരിച്ചു കഴിഞ്ഞാൽ യൂറോപ്പിൽ കൂടുതൽ എണ്ണവ്യാപാരം നടത്താൻ കഴിയുമെന്നാണ് ഖത്തറിന്റെ കണക്കുകൂട്ടൽ. ഇന്ധനം ഇറക്കുമതി ചെയ്യാൻ സ്വന്തം ടെർമിനലുകൾ ഇല്ല എന്നതാണ് ജർമനി നേരിടുന്ന പ്രധാന വെല്ലുവിളി. ബെൽജിയം, പോളണ്ട്, ഹോളണ്ട് എന്നീ രാജ്യങ്ങളിലൂടെയാണ് ജർമനി നിലവിൽ ഇന്ധനം എത്തിക്കുന്നത്.
