February 17, 2022
February 17, 2022
ദോഹ : ഖത്തറിലെ വിവിധ പ്രവാസി സംഘടനകളുടെ കൂട്ടായ്മയായ പ്രവാസി കോർഡിനേഷൻ കമ്മിറ്റി സംഘടിപ്പിക്കുന്ന പ്രത്യേക വെബിനാർ ഇന്ന് (ഫെബ്രുവരി 17, വ്യാഴം) വൈകീട്ട് ഖത്തർ സമയം 5:30 ന് നടക്കും. ഇന്ത്യൻ ഭരണഘടന വിഷയമാക്കി നടത്തുന്ന വെബിനാറിൽ, മീഡിയ വൺ എഡിറ്റർ പ്രമോദ് രാമൻ, സുപ്രീം കോടതി അഭിഭാഷകനായ കാളീശ്വരം രാജ് എന്നിവർ സംസാരിക്കും. അഭിപ്രായസ്വാതന്ത്ര്യം, മാധ്യമസ്വാതന്ത്ര്യം എന്നീ വിഷയങ്ങളിലാണ് ഇരുവരും പ്രഭാഷണം നടത്തുക.
രാജ്യത്തിന്റെ ഭരണഘടനയുടെ മൂല്യങ്ങളെ കുറിച്ച് പ്രവാസി സമൂഹത്തിൽ പ്രചരണം നടത്തുകയെന്നതാണ് വെബിനാറിന്റെ പ്രധാനലക്ഷ്യമെന്ന് ഭാരവാഹികൾ അറിയിച്ചു. സൂം ആപ്ലിക്കേഷന്റെ പ്ലാറ്റ്ഫോമിലാണ് പരിപാടി അരങ്ങേറുന്നത്. 85187117342 എന്ന റൂം ഐഡിയിൽ, 2022 എന്ന പാസ്‌വേഡ് ഉപയോഗിച്ച് ലോഗിൻ ചെയ്താൽ വെബിനാർ വീക്ഷിക്കാം. മുഴുവൻ പ്രവാസി സുഹൃത്തുക്കളെയും പരിപാടിയിലേക്ക് ഹാർദ്ദവമായി സ്വാഗതം ചെയ്യുന്നതായി പി.സി.സി ചെയർമാൻ അഡ്വക്കേറ്റ് നിസാർ കോച്ചേരി, ജനറൽ കൺവീനർ വി.സി. മഷ്‌ഹൂദ് എന്നിവർ അറിയിച്ചു.
