December 01, 2023
December 01, 2023
ദോഹ : ഖത്തർ അമീർ ശൈഖ് തമീം ബിൻ ഹമദ് അൽതാനി ദുബായിൽ എത്തി.അൽ മക്തൂം ഇന്റർനാഷണൽ എയർപോർട്ടിൽ എത്തിയ അമീറിനെയും സംഘത്തെയും യു.എ.ഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാനും ഉന്നതതല പ്രതിനിധി സംഘവും ചേർന്ന് സ്വീകരിച്ചു.
ഇന്ത്യൻ പ്രധാനമന്ത്രി നരേന്ദ്ര മോദിയും ഉച്ചകോടിയിൽ പങ്കെടുക്കാനായി ദുബായിൽ എത്തിയിട്ടുണ്ട്.
അതേസമയം,ഇസ്രയേൽ പ്രസിഡന്റ് ഐസക്ക് ഹെർസോഗും പലസ്തീൻ പ്രസിഡന്റ് മഹ്മൂദ് അബ്ബാസും ഇന്ന് കാലാവസ്ഥ ഉച്ചകോടിയിൽ പ്രസംഗിക്കും. ഇസ്രയേൽ –ഹമാസ് യുദ്ധം തുടങ്ങി 7 ആഴ്ചകൾ പിന്നിടുന്ന സാഹചര്യത്തിലാണ് ഇരു നേതാക്കളും ഒരു വേദിയിൽ എത്തുന്നത്. ആദ്യം ഇസ്രയേൽ പ്രസിഡന്റ് പ്രസംഗിക്കും. ഈ സമയം പലസ്തീൻ പ്രസിഡന്റ് വേദിയിൽ എത്താൻ സാധ്യതയില്ല. വെസ്റ്റ് ബാങ്ക് നിയന്ത്രിക്കുന്ന പലസ്തീൻ അതോറിറ്റിയെ നയിക്കുന്ന അബ്ബാസ് വളരെ അപൂർവമായി മാത്രമേ ഇസ്രയേൽ പ്രതിനിധികളുമായി കൂടിക്കാഴ്ച നടത്തിയിട്ടുള്ളു. യുക്രെയ്ൻ പ്രസിഡന്റ് വ്ലൊഡോമിർ സെലെൻസ്കി, ബ്രിട്ടിഷ് പ്രധാനമന്ത്രി ഋഷി സുനക്, ജോർദാൻ രാജാവ് അബ്ദുല്ല രണ്ടാമൻ, ബ്രസീൽ പ്രസിഡന്റ് ലൂയിസ് ഇനാകിയോ ലുല ഡാ സിൽവ തുടങ്ങിയവരും ആദ്യ ദിവസങ്ങളിൽ പ്രസംഗിക്കും. ബ്രിട്ടിഷ് രാജാവ് ചാൾസ് മൂന്നാമൻ ശനിയാഴ്ച പ്രസംഗിച്ചേക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
