December 20, 2021
December 20, 2021
ദുബായ് : ഖത്തറിന്റെ ദേശീയദിനത്തോട് അനുബന്ധിച്ച് ദുബായ് എക്സ്പോയിലും വിപുലമായ പരിപാടികൾ അരങ്ങേറി. സംഗീതത്തിന് പ്രാധാന്യം നൽകിയുള്ള പരിപാടികൾക്ക് എക്സ്പോയിലെ ജൂബിലി സ്റ്റേജ് ആണ് വേദിയായത്. നിരവധി ഖത്തറി സംഗീതജ്ഞരും, കോറൽ ഗ്രൂപ്പുകളും വേദിയിൽ ഗാനങ്ങളുമായെത്തി.
സംഗീത ആൽബങ്ങളിലൂടെ ശ്രദ്ധേയനായ ഫഹദ് അൽ കുബൈസി, മൻസൂർ അൽ മുഹന്നദി എന്നിവരാണ് ഗാനങ്ങൾ ആലപിച്ചത്. യുവഗായികമാർ അണിനിരന്ന 'സിവാർ യൂത്ത്' എന്ന കോറൽ ഗ്രൂപ്പും പരിപാടിയുടെ ഭംഗിയേറ്റി. അറബ് ഗാനാലാപനശൈലിയെ പുതുതലമുറയ്ക്ക് പരിചയപ്പെടുത്തി കൊടുക്കുന്നതിൽ വലിയ പങ്കുള്ള സംഘങ്ങളാണ് കോറൽ ഗ്രൂപ്പുകൾ. ദേശീയ ദിനത്തിന്റെ ഭാഗമായി എക്സ്പോയിലെ അൽ വസൽ പ്ലാസയിൽ ഖത്തറിന്റെ പതാക ഉയർത്തുകയും ചെയ്തിരുന്നു.